ദുബായ്, ഒക്ടോബർ 9, 2026 : 2026ന്റെ ആദ്യ ആറുമാസത്തിൽ യുഎഇയുടെ സമ്പദ്‌വ്യവസ്ഥ 961.9 ബില്യൺ ദിർഹത്തിലെത്തി. മുൻവർഷത്തെ ഇതേ കാലയളവിനെ അപേക്ഷിച്ച് 0.4 ശതമാനം വളർച്ചയാണ് രേഖപ്പെടുത്തിയതെന്ന് ഫെഡറൽ കോംപറ്റിറ്റീവ്‌നെസ് ആൻഡ് സ്റ്റാറ്റിസ്റ്റിക്സ് സെന്റർ (FCSC) അറിയിച്ചു.
എണ്ണയിതര മേഖലയിൽ 1.8 ശതമാനം വളർച്ച രേഖപ്പെടുത്തി. രാജ്യത്തിന്റെ മൊത്തം സമ്പദ്‌വ്യവസ്ഥയിൽ എണ്ണയിതര മേഖലയുടെ വിഹിതം 79.2 ശതമാനമായി ഉയർന്നു. കഴിഞ്ഞ വർഷം ഇതേ കാലയളവിൽ ഇത് 78.1 ശതമാനമായിരുന്നു.
വ്യാപാരം, ബാങ്കിങ്, ഇൻഷുറൻസ്, നിർമാണം, ഉൽപാദനം, റിയൽ എസ്റ്റേറ്റ് തുടങ്ങിയ മേഖലകളാണ് എണ്ണയിതര സമ്പദ്‌വ്യവസ്ഥയ്ക്ക് പ്രധാന സംഭാവന നൽകിയത്.
സാമ്പത്തിക, ഇൻഷുറൻസ് മേഖലയിലാണ് ഏറ്റവും ഉയർന്ന വളർച്ച രേഖപ്പെടുത്തിയത് — 14.8 ശതമാനം. വിവരസാങ്കേതിക, ആശയവിനിമയ മേഖലയിൽ 7.3 ശതമാനവും ആരോഗ്യ, സാമൂഹിക സേവന മേഖലയിൽ 6 ശതമാനവും നിർമാണ മേഖലയിൽ 5.1 ശതമാനവും വളർച്ചയുണ്ടായി.
അതേസമയം, 2026ന്റെ രണ്ടാം പാദത്തിൽ സമ്പദ്‌വ്യവസ്ഥ 2.1 ശതമാനം ചുരുങ്ങി. പ്രാദേശിക സംഭവവികാസങ്ങളും യാത്രാ തടസ്സങ്ങളും ടൂറിസം, ഗതാഗതം, വ്യാപാരം തുടങ്ങിയ മേഖലകളെ ബാധിച്ചതാണ് ഇതിന് പ്രധാന കാരണം.
എണ്ണയെ മാത്രം ആശ്രയിക്കാതെ വിവിധ മേഖലകളിലൂടെ സമ്പദ്‌വ്യവസ്ഥ ശക്തിപ്പെടുത്താനുള്ള യുഎഇയുടെ ശ്രമങ്ങൾ തുടരുന്നതായാണ് കണക്കുകൾ വ്യക്തമാക്കുന്നത്.
About The Author
The bonus system on xlxwinplataforma is quite generous compared to other sites I’ve used. It really helps when you are just starting out. Definitely worth checking out. xlxwinplataforma