അബുദാബി, ഒക്ടോബർ 5, 2026: അബുദാബിയിൽ 2024നെ അപേക്ഷിച്ച് 2025ൽ കാൻസർ സ്ക്രീനിങ് പരിശോധനകളിൽ 280 ശതമാനത്തിലധികം വർധന രേഖപ്പെടുത്തി. രോഗം നേരത്തേ കണ്ടെത്താനുള്ള പരിശോധനകൾ കൂടുതൽ പേർ സ്വീകരിക്കുന്നതിനിടെയാണ് അബുദാബി പബ്ലിക് ഹെൽത്ത് സെന്റർ (എഡിപിഎച്ച്സി) ഈ വർഷത്തെ ‘ചെക്ക് വാട്ട് റിയലി മാറ്റേഴ്‌സ്’ ക്യാമ്പയിന് തുടക്കമിട്ടത്.
കൃത്യമായ ഇടവേളകളിലുള്ള പരിശോധനകൾ ജനങ്ങളുടെ ആരോഗ്യശീലത്തിന്റെ ഭാഗമാക്കുകയാണ് ക്യാമ്പയിന്റെ ലക്ഷ്യം. പരിശോധനാഫലത്തെക്കുറിച്ചുള്ള ഭയം, തങ്ങൾക്ക് രോഗസാധ്യതയില്ലെന്ന ധാരണ, പരിശോധനകളെക്കുറിച്ചുള്ള തെറ്റിദ്ധാരണകൾ എന്നിവ കാരണം പലരും സ്ക്രീനിങ് വൈകിപ്പിക്കുകയോ ഒഴിവാക്കുകയോ ചെയ്യുന്നുണ്ട്. ഇത്തരം തടസ്സങ്ങൾ പരിഹരിക്കുന്നതിനാണ് ക്യാമ്പയിൻ പ്രാധാന്യം നൽകുന്നത്.
ഭയം മാറ്റാൻ അതിജീവനാനുഭവങ്ങൾ
കാൻസറിനെ അതിജീവിച്ച് ജീവിതത്തിലേക്ക് മടങ്ങിയെത്തിയവരുടെ അനുഭവങ്ങളും ക്യാമ്പയിനിലൂടെ പങ്കുവെക്കും. രോഗനിർണയവുമായി ബന്ധപ്പെട്ട ഭയം കുറയ്ക്കാനും നേരത്തെയുള്ള പരിശോധനയിലും ചികിത്സയിലുമുള്ള വിശ്വാസം വർധിപ്പിക്കാനുമാണ് ശ്രമം.
അവബോധം മാത്രം എല്ലായ്‌പ്പോഴും പെരുമാറ്റത്തിൽ മാറ്റമുണ്ടാക്കില്ലെന്ന് എഡിപിഎച്ച്സി ഡയറക്ടർ ജനറൽ ഡോ. റാഷിദ് അൽ സുവൈദി പറഞ്ഞു. പരിശോധനകൾ മാറ്റിവെക്കാൻ കാരണമാകുന്ന ഘടകങ്ങൾ മനസ്സിലാക്കി പരിഹരിക്കണമെന്നും രോഗം നേരത്തേ കണ്ടെത്തുന്നത് സമയബന്ധിതമായ ചികിത്സയ്ക്കും മികച്ച ആരോഗ്യഫലങ്ങൾക്കും സഹായിക്കുമെന്നും അദ്ദേഹം വ്യക്തമാക്കി.
2025ൽ ആരംഭിച്ച ക്യാമ്പയിനിൽ കഴിഞ്ഞ വർഷം നൂറിലധികം പങ്കാളികൾ സഹകരിക്കുകയും 30 പരിപാടികൾ സംഘടിപ്പിക്കുകയും ചെയ്തു.
രക്തസാമ്പിളിലൂടെ കാൻസർ സൂചനകൾ കണ്ടെത്താനുള്ള പരീക്ഷണ പദ്ധതി
2024 മുതൽ 2026 വരെയുള്ള കാലയളവിൽ അയ്യായിരത്തിലധികം പേർ വൻകുടൽ–മലാശയ കാൻസർ സ്ക്രീനിങ്ങിനുള്ള രക്താധിഷ്ഠിത ലിക്വിഡ് ബയോപ്സി പരിശോധനയുടെ പ്രയോജനം നേടി.
ഇതിനൊപ്പം, 40 വയസ്സും അതിലധികവും പ്രായമുള്ള മൂവായിരത്തിലധികം എമിറാത്തി പൗരന്മാരെ ഉൾപ്പെടുത്തി മൾട്ടി-കാൻസർ ഏർലി ഡിറ്റക്ഷൻ (എംസിഇഡി) പരീക്ഷണ പദ്ധതിയും എഡിപിഎച്ച്സി നടപ്പാക്കുന്നുണ്ട്. ഒരൊറ്റ രക്തസാമ്പിളിലൂടെ 70-ലധികം കാൻസർ തരങ്ങളുമായി ബന്ധപ്പെട്ട സൂചനകൾ കണ്ടെത്താനാകുമോ എന്ന് വിലയിരുത്തുകയാണ് പദ്ധതിയുടെ ലക്ഷ്യം.
ഒക്ടോബറിൽ സ്തനാർബുദ ബോധവത്കരണത്തിന് ഊന്നൽ
വർഷം മുഴുവൻ നീളുന്ന ക്യാമ്പയിൻ ഒക്ടോബറിൽ സ്തനാർബുദം, നവംബറിൽ ശ്വാസകോശ കാൻസർ, ജനുവരിയിൽ ഗർഭാശയമുഖ കാൻസർ, മാർച്ചിൽ വൻകുടൽ–മലാശയ കാൻസർ എന്നിവയ്ക്ക് പ്രാധാന്യം നൽകും.
സ്തനാർബുദ ബോധവത്കരണ മാസമായ ഒക്ടോബറിൽ, മാമോഗ്രാം പരിശോധനയെക്കുറിച്ചുള്ള തെറ്റിദ്ധാരണകളും പരിശോധനാഫലത്തെക്കുറിച്ചുള്ള ഭയവും അകറ്റുന്നതിനാണ് പ്രത്യേക ശ്രദ്ധ. സ്തനാർബുദത്തെ അതിജീവിച്ചവരുടെ അനുഭവങ്ങൾക്കൊപ്പം പ്രതിരോധം, നേരത്തെയുള്ള രോഗനിർണയം, ചികിത്സ എന്നിവയിലെ പുരോഗതിയും പരിചയപ്പെടുത്തും.
ഇതിന്റെ ഭാഗമായി ഒക്ടോബർ 5 തിങ്കളാഴ്ച വിദഗ്ധ ഡോക്ടർമാരും കാൻസർ ചികിത്സാ വിദഗ്ധരും സ്തനാർബുദ അതിജീവിതരും പങ്കെടുക്കുന്ന പാനൽ ചർച്ചയാണ് ഉദ്ഘാടന പരിപാടിയായി നിശ്ചയിച്ചിരിക്കുന്നത്. തുടർന്ന് ഒക്ടോബറിലുടനീളം വിവിധ ബോധവത്കരണ പ്രവർത്തനങ്ങൾ നടക്കും.
സ്തനാർബുദ ചികിത്സയിൽ പ്രത്യേക സേവനങ്ങൾ നൽകുന്ന മൂന്ന് ഓങ്കോളജി സെന്ററുകൾക്ക് അബുദാബി ആരോഗ്യവകുപ്പ് അടുത്തിടെ ‘സെന്റർ ഓഫ് എക്‌സലൻസ്’ അംഗീകാരം നൽകിയതും എമിറേറ്റിലെ സമഗ്ര കാൻസർ പരിചരണം ശക്തിപ്പെടുത്തുന്ന നടപടികളുടെ ഭാഗമാണ്.
About The Author
Winning feels so much better here. The promotions are actually attainable and not just bait. I am sticking with phpanalo777 from now on.
I’ve tried a few sites lately but this one is definitely smoother. The login process is quick and I didn’t run into any lag while playing. Highly recommend oxibet88login for anyone looking for a stable platform.
The gameplay here is just top notch. I had a few questions and the support team handled them quickly. Big thumbs up for br3333br for the great service!
Quick access and great security. I feel much safer using this portal to manage my account. If you are looking for a fast way in, jlpgcasinologin is the way to go.