ആഫ്രിക്കൻ സാഹസിക യാത്രയ്ക്ക് ഇത്തിഹാദിന്റെ പിന്തുണ; ROXയുമായി പുതിയ കരാർ

അബുദാബി,സെപ്റ്റംബർ 4,2026 : ആകാശയാത്രയും റോഡ് യാത്രയും സാങ്കേതികവിദ്യയും ഒരുമിപ്പിച്ച് പുതിയ സഹകരണത്തിന് തുടക്കമിട്ട്
ഇത്തിഹാദ് എയർവേയ്‌സും ആർട്ടിഫിഷ്യൽ ഇന്റലിജൻസ് ടെക്‌നോളജി കമ്പനിയായ ROXയും.
ഇരുകമ്പനികളും ഇത് സംബന്ധിച്ച ധാരണാപത്രം ഒപ്പുവച്ചു.
ആദ്യഘട്ടത്തിൽ ROXയുടെ ആഫ്രിക്ക ഗ്രാൻഡ് ടൂർ S2 പദ്ധതിയുമായി സഹകരിക്കാനാണ് തീരുമാനം.
ആഫ്രിക്കയിലുടനീളം ദീർഘദൂര റോഡ് യാത്ര നടത്തുന്ന പദ്ധതിയാണ് ആഫ്രിക്ക ഗ്രാൻഡ് ടൂർ S2.
വിവിധ രാജ്യങ്ങളിലൂടെയും വ്യത്യസ്ത ഭൂപ്രദേശങ്ങളിലൂടെയും ROXയുടെ അഡമാസ്‌ വാഹനം സഞ്ചരിക്കും.
യാത്ര, സാഹസികത, മൊബിലിറ്റി എന്നിവ കേന്ദ്രീകരിച്ചുള്ള അനുഭവങ്ങളും കഥകളും പദ്ധതിയുടെ ഭാഗമാണ്.
ധാരണാപത്രത്തിന്റെ ഭാഗമായി ആഫ്രിക്ക ഗ്രാൻഡ് ടൂർ S2 വാഹനത്തിൽ ഇത്തിഹാദ് ബ്രാൻഡ് പ്രദർശിപ്പിക്കും.
പദ്ധതിയുമായി ബന്ധപ്പെട്ട് ഇരുകമ്പനികളും സംയുക്തമായി ഉള്ളടക്കങ്ങളും യാത്രാക്കഥകളും മാർക്കറ്റിങ് പ്രവർത്തനങ്ങളും ഒരുക്കും.
വിമാനയാത്രയും റോഡ് മൊബിലിറ്റിയും വിവിധ വിനോദസഞ്ചാര കേന്ദ്രങ്ങളിലെ അനുഭവങ്ങളുമായി ബന്ധിപ്പിക്കുന്നതിനുള്ള സാധ്യതകളും ഇതിലൂടെ പരിശോധിക്കും. ഭാവിയിലെ യാത്രാനുഭവങ്ങൾ, സ്മാർട്ട് മൊബിലിറ്റി, സാങ്കേതികവിദ്യ, ലൈഫ്‌സ്റ്റൈൽ, ഡെസ്റ്റിനേഷൻ അധിഷ്ഠിത മൊബിലിറ്റി തുടങ്ങിയ മേഖലകളിലും സഹകരണം വിപുലീകരിക്കാനുള്ള സാധ്യതയുണ്ട്.
അബുദാബിയിൽ ROXയുടെ അഡ്വാൻസ്ഡ് എ ഐ മാനുഫാക്ചട്യൂറിങ് സെന്റർ ഉദ്ഘാടനം ചെയ്ത ചടങ്ങിലാണ് ധാരണാപത്രം ഒപ്പുവച്ചത്.

യാത്ര, മൊബിലിറ്റി, ഡെസ്റ്റിനേഷൻ എന്നിവയെ ഒരുമിപ്പിക്കുന്ന പദ്ധതിയാണ് ആഫ്രിക്ക ഗ്രാൻഡ് ടൂർ S2 എന്ന് ഇത്തിഹാദ് എയർവേയ്‌സ് സിഇഒ ആന്റണോൾഡോ നെവ്സ് പറഞ്ഞു.
ആളുകളെയും സാങ്കേതികവിദ്യയെയും ഡെസ്റ്റിനേഷനുകളെയും പുതിയ രീതിയിൽ ബന്ധിപ്പിക്കുകയാണ് ROX യുടെ ലക്ഷ്യമെന്ന് സിഇഒ യാൻ ഫെങ് പറഞ്ഞു.

About The Author

web admin

See author's posts