ഷാർജ,ഒക്ടോബർ 12,2026 : ഖോർഫക്കാനിലെ നഹ്‌വ മേഖലയിൽ ജലവിതരണ സൗകര്യങ്ങൾ വിപുലീകരിക്കുന്നതിനുള്ള അടിസ്ഥാനസൗകര്യ വികസന പദ്ധതി പൂർത്തിയാക്കി ഷാർജ ഇലക്ട്രിസിറ്റി, വാട്ടർ ആൻഡ് ഗ്യാസ് അതോറിറ്റി (സേവ). പുതിയ പമ്പിങ് സ്റ്റേഷൻ, ജലസംഭരണ ടാങ്കുകൾ, വിപുലീകരിച്ച ജലവിതരണ ശൃംഖല എന്നിവയുടെ നിർമാണമാണ് പൂർത്തിയാക്കിയത്.
നഹ്‌വയിലെ പൈതൃക ഗ്രാമ വികസന പദ്ധതിയിലേക്ക് വൈദ്യുതിയും വെള്ളവും എത്തിക്കുന്നതിനുള്ള പ്രവർത്തനങ്ങളും അതോറിറ്റി തുടരുകയാണ്. മേഖലയിലെ നിലവിലുള്ളതും ഭാവിയിലുണ്ടാകുന്നതുമായ ആവശ്യങ്ങൾ നിറവേറ്റുന്നതിനായി ജലവിതരണ സംവിധാനത്തിന്റെ കാര്യക്ഷമതയും ശേഷിയും വർധിപ്പിക്കുകയാണ് പദ്ധതിയുടെ ലക്ഷ്യം. ഖോർഫക്കാൻ മേഖലയിലെ സേവയുടെ ഡയറക്ടർ എൻജിനീയർ സൗദ് അബ്ദുൽ അസീസ് ആണ് പദ്ധതിയുടെ വിശദാംശങ്ങൾ അറിയിച്ചത്. ആധുനിക സാങ്കേതികവിദ്യകൾ ഉപയോഗിച്ച് പ്രവർത്തനക്ഷമത മെച്ചപ്പെടുത്തുന്നതിനും സേവനങ്ങളുടെ തുടർച്ച ഉറപ്പാക്കുന്നതിനുമുള്ള അതോറിറ്റിയുടെ പ്രതിബദ്ധതയാണ് പദ്ധതിയിലൂടെ വ്യക്തമാകുന്നതെന്ന് അദ്ദേഹം പറഞ്ഞു. നൂതന പമ്പിങ് സ്റ്റേഷൻ, ജലസംഭരണ ടാങ്കുകൾ, ആധുനിക പ്രവർത്തന-നിരീക്ഷണ സംവിധാനങ്ങളുള്ള സംയോജിത വിതരണ ശൃംഖല എന്നിവയാണ് പദ്ധതിയിൽ ഉൾപ്പെടുന്നത്. ഇതിലൂടെ വെള്ളം പമ്പ് ചെയ്യുന്നതിനുള്ള കാര്യക്ഷമത വർധിപ്പിക്കാനും സംഭരണശേഷി കൂട്ടാനും തടസ്സമില്ലാത്ത ജലവിതരണം ഉറപ്പാക്കാനും സാധിക്കും. നഹ്‌വയിലെ പൈതൃക ഗ്രാമ വികസന പദ്ധതിക്കായി വൈദ്യുതി എത്തിക്കുന്നതിനുള്ള പ്രവർത്തനങ്ങളും പുരോഗമിക്കുകയാണ്. ഇതിന്റെ ഭാഗമായി 1,500 കെ.വി.എ ശേഷിയുള്ള വൈദ്യുതി വിതരണ സബ്‌സ്റ്റേഷൻ സ്ഥാപിക്കുകയും 11 കെ.വി. ഉയർന്ന വോൾട്ടേജ് കേബിളുകൾ 1,600 മീറ്റർ ദൂരത്തിൽ സ്ഥാപിക്കുകയും ചെയ്തു. ഇതിലൂടെ ആവശ്യമായ വൈദ്യുതി ലഭ്യതയും ശൃംഖലയുടെ വിശ്വാസ്യതയും മെച്ചപ്പെടുത്താനാകും. പൈതൃക ഗ്രാമത്തിലെ ജലാവശ്യങ്ങൾ നിറവേറ്റുന്നതിനായി 500 മീറ്റർ നീളമുള്ള ജലവിതരണ ശൃംഖലയും സ്ഥാപിച്ചിട്ടുണ്ട്. പദ്ധതിയുടെ വിവിധ സൗകര്യങ്ങളിലേക്ക് വെള്ളമെത്തിക്കുന്നതിനുള്ള അടിസ്ഥാനസൗകര്യങ്ങൾ ഇതിലൂടെ സജ്ജമായി. ജലസംഭരണശേഷി വർധിപ്പിക്കുകയും വൈദ്യുതി-ജല സേവനങ്ങൾ കൂടുതൽ കാര്യക്ഷമമാക്കുകയും ചെയ്യുന്നതിലൂടെ നഹ്‌വ മേഖലയിലെ അടിസ്ഥാനസൗകര്യ വികസനത്തിന് പദ്ധതി പിന്തുണ നൽകും.
About The Author
The variety of games here is insane. I spent the whole weekend exploring and I’m still finding new favorites. buy138slot is definitely my new go-to spot.