ദുബായ്, സെപ്റ്റംബർ 7,2026 : ഉമ്മുൽ ഖുവൈൻ ഫ്രീ ട്രേഡ് സോണും ശ്രീലങ്കയിലെ കൊളംബോ പോർട്ട് സിറ്റിയും നിക്ഷേപം പ്രോത്സാഹിപ്പിക്കുന്നതിനും ഇരു മേഖലകളിലെയും ബിസിനസ് അവസരങ്ങൾ വിപുലീകരിക്കുന്നതിനുമായി ധാരണാപത്രത്തിൽ ഒപ്പുവച്ചു.ദുബായിൽ നടന്ന ‘ശ്രീലങ്ക ബിയോണ്ട് യുവർ ഡ്രീംസ്’ പരിപാടിയുടെ രണ്ടാം പതിപ്പിനിടെയാണ് ധാരണാപത്രം ഒപ്പുവച്ചത്. ദുബായിലെയും വടക്കൻ എമിറേറ്റുകളിലെയും ശ്രീലങ്കൻ കോൺസുലേറ്റ് ജനറലാണ് പരിപാടി സംഘടിപ്പിച്ചത്.കൊളംബോ പോർട്ട് സിറ്റി ഇക്കണോമിക് കമ്മീഷൻ, CHEC പോർട്ട് സിറ്റി കൊളംബോ, യു.എ.ക്യു ഫ്രീ സോൺ എന്നിവ തമ്മിലുള്ള സഹകരണം കൂടുതൽ ശക്തമാക്കുകയാണ് ധാരണയുടെ പ്രധാന ലക്ഷ്യം.ഇരു മേഖലകളിലെയും ബിസിനസുകളെയും നിക്ഷേപകരെയും പരസ്പരം ബന്ധിപ്പിക്കുക, നിക്ഷേപ സാധ്യതകളെക്കുറിച്ചുള്ള വിവരങ്ങൾ കൈമാറുക, സാധ്യതയുള്ള നിക്ഷേപകരെ പരസ്പരം പരിചയപ്പെടുത്തുക തുടങ്ങിയ മേഖലകളിൽ സഹകരണമുണ്ടാകും.പുതിയ ബിസിനസ് അവസരങ്ങൾ കണ്ടെത്തുന്നതിനായി സംയുക്ത റോഡ്‌ഷോകൾ, ബിസിനസ് മീറ്റിങ്ങുകൾ, വെബിനാറുകൾ, നിക്ഷേപക സംഗമങ്ങൾ എന്നിവ സംഘടിപ്പിക്കാനും ധാരണയിൽ തീരുമാനമുണ്ട്. ഇരു മേഖലകളിലും ബിസിനസ് സ്ഥാപിക്കാൻ താൽപര്യമുള്ള കമ്പനികൾക്ക് ആവശ്യമായ പിന്തുണയും മാർഗനിർദേശവും നൽകും. നിക്ഷേപകരുടെ അന്വേഷണങ്ങൾക്ക് ആവശ്യമായ വിവരങ്ങളും ഇരു വിഭാഗങ്ങളും കൈമാറും. വളർന്നുവരുന്ന രണ്ട് പ്രധാന ബിസിനസ്, നിക്ഷേപ കേന്ദ്രങ്ങൾ തമ്മിലുള്ള സുപ്രധാന സഹകരണമാണ് ധാരണയെന്ന് യു.എ.ക്യു ഫ്രീ ട്രേഡ് സോൺ അതോറിറ്റി ജനറൽ മാനേജർ ജോൺസൺ എം. ജോർജ് പറഞ്ഞു.ബിസിനസ് സമൂഹങ്ങൾ തമ്മിൽ ശക്തമായ ബന്ധം സ്ഥാപിക്കുന്നതിനും പുതിയ വിപണികളും നിക്ഷേപ സാധ്യതകളും കണ്ടെത്തുന്നതിനും പങ്കാളിത്തം സഹായിക്കുമെന്ന് അദ്ദേഹം വ്യക്തമാക്കി.യുഎഇയിലെ ഫ്രീ സോണുകൾക്കിടയിൽ കൊളംബോ പോർട്ടി സിറ്റിക്ക് വിശ്വസനീയമായ നിക്ഷേപ പ്ലാറ്റ്‌ഫോമായി വളരാനുള്ള സാധ്യതയാണ് ധാരണ പ്രതിഫലിപ്പിക്കുന്നതെന്ന് കൊളംബോ പോർട്ട് സിറ്റി ഇക്കണോമിക് കമ്മീഷൻ ചെയർമാൻ ഹർഷ അമരസേഖര പി.സി പറഞ്ഞു. ഇരു മേഖലകളിലെയും കമ്പനികൾക്ക് പുതിയ വിപണികളിലേക്ക് പ്രവേശിക്കാനും നിക്ഷേപ അവസരങ്ങൾ കണ്ടെത്താനും ഉമ്മുൽ ഖുവൈൻ കൊളംബോ പോർട്ട് സിറ്റി ധാരണ കൂടുതൽ അവസരങ്ങൾ തുറക്കുമെന്നാണ് പ്രതീക്ഷ.
About The Author
I’ve been playing here for a few weeks and the experience is top notch. The bonuses are fair and the withdrawals are surprisingly fast. Highly recommend ph7gameasia to my buddies.