ദുബായ്, സെപ്റ്റംബർ 21, 2026 : കായികരംഗത്തെ പുതിയ ബിസിനസ് അവസരങ്ങൾ പ്രയോജനപ്പെടുത്തി സംരംഭകരാകാൻ എമിറാത്തി യുവാക്കൾക്ക് പരിശീലനം നൽകുന്ന പദ്ധതിയുമായി ദുബായ്. ദുബായ് സ്പോർട്സ് കൗൺസിലും ന്യൂ ഇക്കോണമി അക്കാദമിയും ചേർന്ന് ‘സ്പോർട്സ് എൻട്രപ്രണർഷിപ്പ് പ്രോഗ്രാം’ ആരംഭിച്ചു. കായികരംഗത്ത് നിക്ഷേപ പദ്ധതികൾ ആരംഭിക്കാനും നടത്താനും ആവശ്യമായ അറിവും വൈദഗ്ധ്യവും നൽകുകയാണ് പദ്ധതിയുടെ ലക്ഷ്യം. 1,000 യുവ എമിറാത്തി പുരുഷന്മാർക്കും സ്ത്രീകൾക്കും പരിശീലനം നൽകും.
‘യുഎഇ: ക്യാപിറ്റൽ ഓഫ് എൻട്രപ്രണർഷിപ്പ് ഇൻ ദ വേൾഡ്’ എന്ന ദേശീയ ക്യാംപയിന്റെ ഭാഗമായാണ് പദ്ധതി. എമിറാത്തി സംരംഭകരെ പരിശീലിപ്പിക്കുന്ന വിപുലമായ പദ്ധതിയുടെ ഭാഗമായി 10,000 പൗരന്മാർക്ക് പരിശീലനം നൽകാനും ലക്ഷ്യമിടുന്നു. കായികരംഗത്തെ നിക്ഷേപ സാധ്യതകൾ വർധിച്ചുവരികയാണെന്ന് ഏഷ്യൻ റഗ്ബി ഫെഡറേഷൻ പ്രസിഡന്റ് ഖൈസ് അൽ ദഹ്‌ലായ് പറഞ്ഞു. വിവിധ കായിക ഇനങ്ങളിലേക്ക് ഓരോ വർഷവും കൂടുതൽ പേർ എത്തുന്നത് പുതിയ നിക്ഷേപ അവസരങ്ങൾ സൃഷ്ടിക്കുന്നതായും അദ്ദേഹം വ്യക്തമാക്കി.
കായികരംഗം അതിവേഗം മാറിക്കൊണ്ടിരിക്കുകയാണെന്നും ആധുനിക സമ്പദ്‌വ്യവസ്ഥയുടെ പ്രധാന മേഖലയായി മാറുകയാണെന്നും ന്യൂ ഇക്കോണമി അക്കാദമി സിഇഒ ഡോ. ലൈല ഫരീദൂൻ പറഞ്ഞു. വിജയകരമായ കായിക സംരംഭകരുമായും നിക്ഷേപകരുമായും നേരിട്ട് ആശയവിനിമയം നടത്താനുള്ള അവസരവും പരിശീലനത്തിൽ പങ്കെടുക്കുന്നവർക്ക് ലഭിക്കും.
About The Author
The login process is seamless and I didn’t run into any glitches. It is rare to find a site that works this efficiently on mobile. Give aurahokilogin a try if you want a hassle-free setup.
Solid platform with a very professional feel. I trust this site more than others I have used before. Check out 20kcwin