ദുബായ്,സെപ്റ്റംബർ 26,2026 : ഗ്ലോബൽ വില്ലേജിന്റെ 31-ാം സീസണിലേക്കുള്ള വിഐപി പാക്കുകൾ വിൽപന തുടങ്ങി. പരിമിതമായ എണ്ണം പാക്കുകളാണ് ലഭ്യമാക്കിയിരിക്കുന്നത്. ഇതിൽ ഒരു പാക്കിൽ 31,000 ദിർഹത്തിന്റെ സമ്മാനച്ചെക്ക് ഒളിപ്പിച്ചുവച്ചിട്ടുണ്ട്. ഭാഗ്യം തേടുന്ന ഒരാൾക്ക് ഈ തുക സ്വന്തമാക്കാം. കൊക്കകോള അരീനയുടെ വെബ്സൈറ്റ് വഴിയാണ് വിഐപി പാക്കുകൾ വാങ്ങാനാകുക. ഇത്തവണ ‘ഗ്ലോബൽ വില്ലേജ് സ്റ്റോറി ബുക്ക്’ എന്ന ആശയത്തിലാണ് പാക്കുകൾ ഒരുക്കിയിരിക്കുന്നത്. ഗ്ലോബൽ വില്ലേജിന്റെ യാത്ര ഓർമിപ്പിക്കുന്ന ശേഖരണ വസ്തുവായാണ് പാക്ക് രൂപകൽപന ചെയ്തിരിക്കുന്നത്.
യുഎഇയെ പ്രതിനിധീകരിക്കുന്ന ഏഴ് സീസൺ 31 പിൻ ബാഡ്ജുകളും പാക്കിൽ ഉൾപ്പെടുത്തിയിട്ടുണ്ട്. ഗ്ലോബൽ വില്ലേജിലെ വിവിധ പ്രത്യേക അനുഭവങ്ങളും ആനുകൂല്യങ്ങളും വിഐപി പാക്കിനൊപ്പം ലഭിക്കും.
ആറുതരം വിഐപി പാക്കുകൾ
സീസൺ 31ൽ ആറ് തരത്തിലുള്ള വിഐപി, മെഗാ പാക്കുകളാണ് ലഭ്യമാക്കിയിരിക്കുന്നത്.
ഡയമണ്ട് വിഐപി – 7,900 ദിർഹം
പ്ലാറ്റിനം വിഐപി – 3,490 ദിർഹം
ഗോൾഡ് വിഐപി – 2,490 ദിർഹം
സിൽവർ വിഐപി – 1,890 ദിർഹം
മെഗാ ഗോൾഡ് – 4,990 ദിർഹം
മെഗാ സിൽവർ – 3,490 ദിർഹം
ഗ്ലോബൽ വില്ലേജിലെ പ്രത്യേക ആനുകൂല്യങ്ങൾക്കൊപ്പം ദുബായ് പാർക്സ് ആൻഡ് റിസോർട്സിലെ സീസണൽ പാസുകളോ ടിക്കറ്റുകളോ ലഭിക്കുന്നതാണ് മെഗാ പാക്കുകളുടെ പ്രത്യേകത. കുടുംബങ്ങൾക്കും സ്ഥിരമായി ഗ്ലോബൽ വില്ലേജ് സന്ദർശിക്കുന്നവർക്കും കൂടുതൽ ആനുകൂല്യം ലഭിക്കുന്ന രീതിയിലാണ് ഇവ ഒരുക്കിയിരിക്കുന്നത്. പരിമിതമായ എണ്ണം പാക്കുകൾ മാത്രമുള്ളതിനാൽ നേരത്തെ വാങ്ങണമെന്ന് അധികൃതർ അറിയിച്ചു. ഒരു എമിറേറ്റ്സ് ഐഡിക്ക് ഒരു വിഐപി പാക്ക് മാത്രമേ വാങ്ങാനാകൂ. വിഐപി പാക്കിലെ ആനുകൂല്യങ്ങൾ ഉപയോഗിക്കുന്നതിന് വാഹനത്തിന്റെ പ്ലേറ്റ് നമ്പർ നൽകി വെബ്സൈറ്റിൽ പാക്ക് രജിസ്റ്റർ ചെയ്യണം.
About The Author
Great vibes and even better wins. I appreciate how straightforward the registration is. Love phtaya111