ദുബായ്, സെപ്റ്റംബർ 30, 2026 : ദുബായിൽ നിന്ന് ഇസ്രായേലിലെ ടെൽ അവീവിലേക്ക് പുറപ്പെട്ട ഫ്ലൈദുബായ് വിമാനം യാത്രയ്ക്കിടെ ഉണ്ടായ സംഭവത്തെ തുടർന്ന് സൗദി അറേബ്യയിലെ തബൂക്ക് വിമാനത്താവളത്തിൽ ഇറക്കി. വിമാനത്തിലുണ്ടായിരുന്ന എല്ലാ യാത്രക്കാരും സുരക്ഷിതരാണെന്ന് ഫ്ലൈദുബായ് അറിയിച്ചു.
സംഭവം FZ1073 വിമാനത്തിൽ
സെപ്റ്റംബർ 30ന് ദുബായ് രാജ്യാന്തര വിമാനത്താവളത്തിൽ നിന്ന് ബെൻ ഗുരിയൻ രാജ്യാന്തര വിമാനത്താവളത്തിലേക്ക് പുറപ്പെട്ട FZ1073 വിമാനമാണ് തബൂക്കിൽ ഇറക്കിയത്. യാത്രയ്ക്കിടെ ഒരു സംഭവം ഉണ്ടായതിനെ തുടർന്നാണ് വിമാനം തബൂക്കിലേക്ക് തിരിച്ചുവിട്ടത്. വിമാനം സുരക്ഷിതമായി ലാൻഡ് ചെയ്തതായും എല്ലാ യാത്രക്കാരും സുരക്ഷിതരാണെന്നും എയർലൈൻ വക്താവ് സ്ഥിരീകരിച്ചു.
കാരണം സംബന്ധിച്ച് കൂടുതൽ വിവരങ്ങൾ പുറത്തുവിട്ടിട്ടില്ല
സംഭവത്തിന് പിന്നിലെ കാരണം സംബന്ധിച്ച് ഫ്ലൈദുബായ് കൂടുതൽ വിവരങ്ങൾ പുറത്തുവിട്ടിട്ടില്ല. ബന്ധപ്പെട്ട അധികൃതരുമായി ചേർന്ന് സ്ഥിതിഗതികൾ വിലയിരുത്തിവരികയാണെന്നും സ്ഥിരീകരിച്ച കൂടുതൽ വിവരങ്ങൾ ലഭ്യമാകുന്ന മുറയ്ക്ക് അറിയിക്കുമെന്നും കമ്പനി വ്യക്തമാക്കി. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് ഏറ്റവും ഉയർന്ന പരിഗണന നൽകുന്നതെന്നും ഫ്ലൈദുബായ് അറിയിച്ചു.
About The Author
Top notch graphics and really engaging gameplay. It is honestly one of the best gaming experiences I have had in a long time. Big thanks to ck888game