ദുബായ്, ഒക്ടോബർ 3, 2026: ദുബായ് പൊലീസിന്റെ നേതൃത്വത്തിൽ സംഘടിപ്പിക്കുന്ന ‘പ്രൗഡ് ഓഫ് ദി യുഎഇ’ സൈക്ലിങ് റേസിന്റെ രണ്ടാം പതിപ്പ് ഒക്ടോബർ 4 ഞായറാഴ്ച നടക്കും. രാവിലെ ആറിന് നാദ് അൽ ഷെബ സെന്ററിൽ നിന്നാണ് 80 കിലോമീറ്റർ ദൈർഘ്യമുള്ള മത്സരം ആരംഭിക്കുക.
യുഎഇ സൈക്ലിങ് ഫെഡറേഷൻ, ദുബായ് സ്പോർട്സ് കൗൺസിൽ, ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) എന്നിവയുടെ സഹകരണത്തോടെയാണ് ഈ സീസണിലെ സൈക്ലിങ് പരിപാടികളുടെ ഭാഗമായി ദുബായ് പൊലീസ് മത്സരം സംഘടിപ്പിക്കുന്നത്.
1.40 ലക്ഷം ദിർഹം സമ്മാനത്തുക
മത്സരത്തിൽ ആകെ 1,40,000 ദിർഹമാണ് സമ്മാനത്തുകയായി പ്രഖ്യാപിച്ചിരിക്കുന്നതെന്ന് ദുബായ് പൊലീസ് അറിയിച്ചു. സൈക്ലിങ് മേഖലയെ പ്രോത്സാഹിപ്പിക്കുന്നതിനൊപ്പം കൂടുതൽ ആളുകളെ കായിക പ്രവർത്തനങ്ങളിലേക്ക് ആകർഷിക്കുകയുമാണ് പരിപാടിയുടെ ലക്ഷ്യം.
യുഎഇയുടെ നേട്ടങ്ങൾ ആഘോഷിക്കാൻ കായികമത്സരം
യുഎഇയുടെ നേട്ടങ്ങൾ ആഘോഷിക്കുന്നതിനും രാജ്യത്തോടുള്ള അഭിമാനബോധം വളർത്തുന്നതിനുമായി സംഘടിപ്പിക്കുന്ന കായിക, ദേശീയ പരിപാടികളുടെ ഭാഗമാണ് ‘പ്രൗഡ് ഓഫ് ദി യുഎഇ’ സൈക്ലിങ് റേസ്.
കായിക വിനോദങ്ങളെ ദൈനംദിന ജീവിതത്തിന്റെ ഭാഗമാക്കാനും സമൂഹത്തിന്റെ ആരോഗ്യവും ക്ഷേമവും മെച്ചപ്പെടുത്താനും ഇത്തരം മത്സരങ്ങളിലൂടെ ലക്ഷ്യമിടുന്നതായി ദുബായ് പൊലീസ് വ്യക്തമാക്കി.
About The Author
I was looking for a reliable place to play and this is it. Very secure and the bonuses are actually fair. Check out 17777betlogin