ദുബായ്,ഒക്ടോബർ 30,2026: നവംബറിൽ 20 രാജ്യാന്തര പ്രദർശനങ്ങൾക്കും പരിപാടികൾക്കും വേദിയാകാനൊരുങ്ങി ദുബായ്. ദുബായ് വേൾഡ് ട്രേഡ് സെന്ററിലും എക്സ്പോ സിറ്റി ദുബായിലെ ദുബായ് എക്സിബിഷൻ സെന്ററിലുമായാണ് പരിപാടികൾ നടക്കുന്നത്. ഭക്ഷ്യോൽപ്പന്നങ്ങൾ, നിർമാണം, വാഹനവ്യവസായം, വിദ്യാഭ്യാസം, പൊലീസ്, സുരക്ഷ, കല, കായികം, സാങ്കേതികവിദ്യ തുടങ്ങി വിവിധ മേഖലകളിലെ കമ്പനികളും വിദഗ്ധരും പ്രൊഫഷണലുകളും പരിപാടികളിൽ പങ്കെടുക്കും.
ഗൾഫുഡ് മാനുഫാക്ചറിങ്, ഓട്ടോമെക്കാനിക്ക ദുബായ്, വേൾഡ് പോലീസ് സമ്മിറ്റ്, വേൾഡ് ആർട്ട് ദുബായ്, ബിഗ് 5 ഗ്ലോബൽ, ഹൈറോക്സ് ദുബായ് എന്നിവയാണ് ഈ മാസത്തെ പ്രധാന പരിപാടികൾ.
നവംബർ 3 മുതൽ 5 വരെനവംബർ 3 മുതൽ 5 വരെ 19-ാമത് ഐ.എസ്.എം മിഡിൽ ഈസ്റ്റ് പ്രദർശനം നടക്കും. സുസ്ഥിരത, ധാർമികമായ ഉൽപ്പന്ന സംഭരണം, മാലിന്യ കുറവ്, പരിസ്ഥിതി സൗഹൃദ പാക്കേജിങ് തുടങ്ങിയ വിഷയങ്ങളിൽ 120-ലധികം വിദഗ്ധ പ്രഭാഷണങ്ങളും ചർച്ചകളും ഇതിന്റെ ഭാഗമായി നടക്കും.
ഇതേ ദിവസങ്ങളിൽ നടക്കുന്ന പ്രൈവറ്റ് ലേബൽ മിഡിൽ ഈസ്റ്റിൽ 50 രാജ്യങ്ങളിൽ നിന്നായി 600-ലധികം ബ്രാൻഡുകളും 200 നിർമാതാക്കളും പങ്കെടുക്കും. 8,000-ത്തിലധികം സന്ദർശകരെയാണ് പ്രതീക്ഷിക്കുന്നത്. മാറുന്ന ഉപഭോക്തൃ താൽപര്യങ്ങളും ദീർഘകാല നിർമാണ പങ്കാളിത്തങ്ങളും ചർച്ചകളിൽ പ്രധാന വിഷയങ്ങളാകും.
12-ാമത് ഗൾഫുഡ് മാനുഫാക്ചറിങ് പ്രദർശനത്തിൽ 72 രാജ്യങ്ങളിൽ നിന്നായി 2,500-ലധികം പ്രദർശകർ പങ്കെടുക്കും. ചേരുവകൾ, ഭക്ഷ്യസംസ്കരണം, പാക്കേജിങ്, വിതരണ ശൃംഖല, നിയന്ത്രണം, ഓട്ടോമേഷൻ എന്നീ അഞ്ച് മേഖലകളാണ് മൂന്ന് ദിവസത്തെ പരിപാടിയിൽ ഉൾപ്പെടുന്നത്. ഇതിനൊപ്പം ഫുഡ്ടെക് ഉച്ചകോടിയും നടക്കും.
ഗൾഫുഡ് മാനുഫാക്ചറിങ്ങിനൊപ്പം ഗൾഫ്ഹോസ്റ്റും നടക്കും. ഹോട്ടലുകൾ, റസ്റ്ററന്റുകൾ, കഫേകൾ എന്നിവയ്ക്കാവശ്യമായ വാണിജ്യ അടുക്കള ഉപകരണങ്ങൾ, കാറ്ററിങ് സംവിധാനങ്ങൾ, ഹോട്ടൽ ഫർണിച്ചറുകൾ എന്നിവയുടെ പുതിയ ഉൽപ്പന്നങ്ങൾ ഇവിടെ പരിചയപ്പെടുത്തും.
നവംബർ 10 മുതൽ 12 വരെനവംബർ 10 മുതൽ 12 വരെ 19-ാമത് ജെസ് ദുബായ് (GESS Dubai) നടക്കും. ‘ദി സ്പാർക്ക്’ എന്ന പ്രമേയത്തിൽ സംഘടിപ്പിക്കുന്ന പരിപാടി വിദ്യാഭ്യാസ മേഖലയിലെ വിദഗ്ധർക്ക് പുതിയ പഠന സാങ്കേതികവിദ്യകളും ആഗോളതലത്തിലെ മികച്ച രീതികളും പരിചയപ്പെടാനുള്ള വേദിയാണ്. നിർമിതബുദ്ധി മുതൽ ഓഗ്മെന്റഡ് റിയാലിറ്റി വരെയുള്ള സാങ്കേതികവിദ്യകൾ വിദ്യാഭ്യാസത്തെ എങ്ങനെ മാറ്റുന്നുവെന്നതാകും പ്രധാന ചർച്ച.
ഇതേ ദിവസങ്ങളിൽ ഇ.വി വേൾഡും നടക്കും. ഇലക്ട്രിക് വാഹനങ്ങൾ, ചാർജിങ് അടിസ്ഥാനസൗകര്യങ്ങൾ, സ്മാർട്ട് മൊബിലിറ്റി എന്നിവയിലെ നൂതന ആശയങ്ങൾ ചർച്ച ചെയ്യാൻ വാഹന നിർമാതാക്കൾ, നയരൂപീകരണ വിദഗ്ധർ, നിക്ഷേപകർ എന്നിവർ ഒത്തുചേരും.
23-ാമത് ഓട്ടോമെക്കാനിക്ക ദുബായ് നവംബർ 10 മുതൽ 12 വരെ ദുബായ് എക്സിബിഷൻ സെന്ററിൽ നടക്കും. ഊർജ, അടിസ്ഥാനസൗകര്യ മന്ത്രാലയത്തിന്റെയും ആർ.ടി.എയുടെയും പിന്തുണയോടെയാണ് പരിപാടി. 1,500-ലധികം പ്രദർശകരും 30,000-ത്തിലധികം വ്യാപാര സന്ദർശകരും പങ്കെടുക്കും. വാഹന ഫ്ലീറ്റ്, വർക്ക്ഷോപ്പ്, മൊബിലിറ്റി തുടങ്ങിയ വിഷയങ്ങളിൽ സമ്മേളനങ്ങളും നടക്കും.ആറാം വർഷത്തിലേക്ക് കടക്കുന്ന വേൾഡ് വേപ്പ് ഷോയും നവംബർ 10 മുതൽ 12 വരെ നടക്കും. വേൾഡ് ടുബാക്കോ മിഡിൽ ഈസ്റ്റ് നവംബർ 10, 11 തീയതികളിലാണ്. 250-ലധികം രാജ്യാന്തര വിതരണക്കാർ പങ്കെടുക്കുന്ന പരിപാടിയിൽ നിയന്ത്രണങ്ങൾ, പുതിയ യന്ത്രസാങ്കേതികവിദ്യകൾ തുടങ്ങിയ വിഷയങ്ങളിൽ ചർച്ചകളുണ്ടാകും.
നവംബർ 14 മുതൽ 18 വരെ
നവംബർ 14, 15 തീയതികളിൽ ദുബായ് എക്സിബിഷൻ സെന്ററിൽ ആദ്യ ഐ.സി.എ.ഐ ജി.സി.സി വാർഷിക രാജ്യാന്തര സമ്മേളനം നടക്കും. ‘ചക്ര: ദി വീൽ ഓഫ് ദ റൈസിങ് ഇറ’ എന്ന പ്രമേയത്തിൽ സംഘടിപ്പിക്കുന്ന സമ്മേളനത്തിൽ സാമ്പത്തിക വിദഗ്ധർ, വ്യവസായ പ്രമുഖർ, നയരൂപീകരണ വിദഗ്ധർ എന്നിവർ സാമ്പത്തിക വളർച്ച, നേതൃത്വം, ബിസിനസ് മേഖലയിലെ മാറ്റങ്ങൾ തുടങ്ങിയ വിഷയങ്ങൾ ചർച്ച ചെയ്യും.
നവംബർ 16 മുതൽ 18 വരെ ദുബായ് പൊലീസിന്റെ ആതിഥേയത്വത്തിൽ വേൾഡ് പോലീസ് സമ്മിറ്റ് നടക്കും. ദുബായ് ഭരണാധികാരിയും യു.എ.ഇ വൈസ് പ്രസിഡന്റും പ്രധാനമന്ത്രിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമിന്റെ രക്ഷാകർതൃത്വത്തിലാണ് പരിപാടി. ‘കണക്ടഡ് ഫോർ ഇംപാക്ട്’ എന്ന പ്രമേയത്തിൽ ആഗോളതലത്തിലെ നിയമപാലന മേധാവികളും സുരക്ഷാ വിദഗ്ധരും പങ്കെടുക്കും.നിർമിതബുദ്ധി അധിഷ്ഠിത പൊലീസ് പ്രവർത്തനങ്ങൾ, സൈബർ കുറ്റകൃത്യങ്ങൾ, പ്രതിസന്ധി നേരിടൽ തുടങ്ങിയ വിഷയങ്ങളാണ് പ്രധാനമായും ചർച്ച ചെയ്യുക. സമ്മിറ്റ് അവാർഡുകൾ, പ്രത്യേക വിഷയങ്ങൾക്കായുള്ള വേദികൾ, പുതിയ സുരക്ഷാ സാങ്കേതികവിദ്യകൾ പരിചയപ്പെടുത്തുന്ന പ്രദർശന കേന്ദ്രം എന്നിവയും ഉണ്ടായിരിക്കും.
നവംബർ 16, 17 തീയതികളിൽ ദി മൈനിങ് ഷോ നടക്കും. 300-ലധികം പ്രദർശകരും 150 പ്രഭാഷകരും 5,500 സന്ദർശകരും പങ്കെടുക്കുമെന്നാണ് പ്രതീക്ഷ. ഖനന മേഖലയിലെ പര്യവേക്ഷണം മുതൽ നിക്ഷേപം വരെയുള്ള വിവിധ ഘട്ടങ്ങളിലെ പുതിയ സാങ്കേതികവിദ്യകൾ ഇവിടെ പരിചയപ്പെടുത്തും.
ഇതേ ദിവസങ്ങളിൽ മിഡിൽ ഈസ്റ്റ് ഓർഗാനിക് ആൻഡ് നാച്ചുറൽ പ്രോഡക്ട്സ് എക്സ്പോയും നടക്കും. ഭക്ഷ്യ-പാനീയങ്ങൾ, ആരോഗ്യം, ക്ഷേമം, കൃഷി, പരിസ്ഥിതി, സുസ്ഥിര ജീവിതശൈലി, സൗന്ദര്യ-വ്യക്തിഗത പരിചരണ ഉൽപ്പന്നങ്ങൾ തുടങ്ങി അഞ്ച് മേഖലകളെ കേന്ദ്രീകരിച്ചാണ് പ്രദർശനം.
ഇന്റർനാഷണൽ അപ്പാരൽ ആൻഡ് ടെക്സ്റ്റൈൽ ഫെയറും നവംബർ 16 മുതൽ 18 വരെ നടക്കും. വസ്ത്രങ്ങൾ, തുണിത്തരങ്ങൾ, പാദരക്ഷകൾ, ആക്സസറികൾ തുടങ്ങിയ മേഖലകളിലെ രാജ്യാന്തര നിർമാതാക്കളെയും വിതരണക്കാരെയും വ്യാപാരികളെയും ഡിസൈനർമാരെയും ഒരുമിപ്പിക്കുന്നതാണ് പരിപാടി.
ദുബായ് മുനിസിപ്പാലിറ്റിയുടെ ഭക്ഷ്യസുരക്ഷാ വിഭാഗം സംഘടിപ്പിക്കുന്ന ദുബായ് ഇന്റർനാഷണൽ ഫുഡ് സേഫ്റ്റി കോൺഫറൻസ് നവംബർ 16, 17 തീയതികളിൽ നടക്കും. ഭക്ഷ്യസുരക്ഷാ മാനദണ്ഡങ്ങൾ മെച്ചപ്പെടുത്തുന്നതിനും പുതിയ സാങ്കേതികവിദ്യകൾ പരിചയപ്പെടുത്തുന്നതിനുമായി നിയന്ത്രണ ഏജൻസികൾ, വ്യവസായ വിദഗ്ധർ, ഗവേഷകർ, അക്കാദമിക് രംഗത്തെ പ്രതിനിധികൾ എന്നിവർ പങ്കെടുക്കും.
നവംബർ 19 മുതൽ 26 വരെ
12-ാമത് വേൾഡ് ആർട്ട് ദുബായ് നവംബർ 19 മുതൽ 22 വരെ നടക്കും. ദുബായ് കൾച്ചറിന്റെ തന്ത്രപരമായ പങ്കാളിത്തത്തോടെയാണ് പരിപാടി. 65-ലധികം രാജ്യങ്ങളിൽ നിന്നായി 105-ലധികം ഗാലറികളും ഗ്രൂപ്പുകളും 195-ലധികം സ്വതന്ത്ര കലാകാരന്മാരും പങ്കെടുക്കും. 10,000-ത്തിലധികം കലാസൃഷ്ടികൾ പ്രദർശിപ്പിക്കും. ശിൽപശാലകൾ, തത്സമയ കലാപരിപാടികൾ, ഫ്യൂച്ചർ ആർട്ടിസ്റ്റ്സ് അവാർഡ് എന്നിവയും ഉണ്ടായിരിക്കും.
നവംബർ 23 മുതൽ 26 വരെ ബിഗ് 5 ഗ്ലോബൽ നടക്കും. യു.എ.ഇ ഊർജ, അടിസ്ഥാനസൗകര്യ മന്ത്രാലയത്തിന്റെ പിന്തുണയോടെ സംഘടിപ്പിക്കുന്ന പരിപാടിയിൽ 165-ലധികം രാജ്യങ്ങളിൽ നിന്നുള്ളവർ പങ്കെടുക്കും. 1,800-ലധികം പ്രദർശകരും 450-ലധികം പ്രഭാഷകരും ഉണ്ടാകും. നിർമാണം, നഗരവികസനം, വിതരണ ശൃംഖല, സാങ്കേതികവിദ്യ, സുസ്ഥിരത എന്നിവയാണ് പ്രധാന വിഷയങ്ങൾ. ബിഗ് 5 ഗ്ലോബൽ ലീഡേഴ്സ് സമ്മിറ്റ്, ഫ്യൂച്ചർടെക് സമ്മിറ്റ്, ബിഗ് 5 ഗ്ലോബൽ ഇംപാക്ട് അവാർഡുകൾ എന്നിവയും പരിപാടിയുടെ ഭാഗമാണ്.
ബിഗ് 5 ഗ്ലോബലിനൊപ്പം നവംബർ 23 മുതൽ 26 വരെ ജിയോസ്പേഷ്യൽ സാങ്കേതികവിദ്യകൾക്കായുള്ള ജിയോവേൾഡും നടക്കും. മൂന്നാം പതിപ്പിൽ 15,000-ത്തിലധികം സന്ദർശകരെയും 50-ലധികം പ്രദർശകരെയുമാണ് പ്രതീക്ഷിക്കുന്നത്. നഗരാസൂത്രണം, അടിസ്ഥാനസൗകര്യ വികസനം, കാലാവസ്ഥാ പ്രതിരോധം തുടങ്ങിയ മേഖലകളിലെ സാങ്കേതികവിദ്യകൾ ഇവിടെ പരിചയപ്പെടുത്തും.
ഇതേ ദിവസങ്ങളിൽ എച്ച്.വി.എ.സി.ആർ വേൾഡും നടക്കും. ചൂടാക്കൽ, വായുസഞ്ചാരം, എയർ കണ്ടീഷനിങ്, റഫ്രിജറേഷൻ മേഖലകളിലെ നിർമാതാക്കളും സേവനദാതാക്കളും പങ്കെടുക്കും. 150-ലധികം പ്രദർശകരും 50-ലധികം പ്രഭാഷകരും ഉണ്ടാകും. സംവിധാനങ്ങളുടെ കാര്യക്ഷമതയും സുസ്ഥിരതയും സംബന്ധിച്ച സാങ്കേതിക ചർച്ചകളും തത്സമയ പ്രദർശനങ്ങളും നടക്കും.
നവംബർ 27, 28: ഹൈറോക്സ് ദുബായ്
നവംബർ 27, 28 തീയതികളിൽ എക്സ്പോ സിറ്റിയിലെ ദുബായ് എക്സിബിഷൻ സെന്ററിൽ ഹൈറോക്സ് ദുബായ് നടക്കും. ഓട്ടവും വിവിധ ശാരീരിക വ്യായാമങ്ങളും സംയോജിപ്പിച്ചുള്ള ഫിറ്റ്നസ് മത്സരത്തിൽ എല്ലാ തലങ്ങളിലുമുള്ള കായികതാരങ്ങൾ പങ്കെടുക്കും.വ്യത്യസ്ത സാമ്പത്തിക, പ്രൊഫഷണൽ, സാംസ്കാരിക, കായിക മേഖലകളെ ഒരുമിപ്പിക്കുന്നതാണ് നവംബറിലെ പരിപാടികളെന്ന് ദുബായ് വേൾഡ് ട്രേഡ് സെന്റർ അറിയിച്ചു. പ്രദർശനങ്ങൾക്കും സമ്മേളനങ്ങൾക്കും പുറമെ അറിവ് പങ്കുവെക്കാനും ആഗോള കമ്പനികളും സ്ഥാപനങ്ങളും തമ്മിലുള്ള സഹകരണ അവസരങ്ങൾ വിപുലീകരിക്കാനും ഈ പരിപാടികൾ സഹായിക്കുമെന്നാണ് പ്രതീക്ഷ.

Finally found a place that treats its members like actual VIPs. The rewards are generous and the customer support is always on point. Give 17krvip a try
The graphics are top notch and the gameplay is so immersive. Really enjoying my time on phjili12.
I had some trouble logging in at first but once I got in, the games were amazing. The Jili slots are always my favorite for the big wins. jilicocasinologin
The affiliate program is actually transparent and rewarding. It’s a great way to earn while sharing a platform that actually works r7betsafiliados