അബുദാബി , ഓഗസ്റ്റ് 28 2026 :അബുദാബി ഇന്റർനാഷണൽ ഹണ്ടിങ് ആൻഡ് ഇക്വസ്ട്രിയൻ പ്രദർശനം ന് തുടക്കമായി. അബുദാബിയിലെ അഡ്‌നെക് സെന്ററിൽ ആരംഭിച്ച പ്രദർശനം സെപ്റ്റംബർ 6 വരെ തുടരും.
അൽ ദഫ്‌റ മേഖലയിലെ ഭരണാധികാരിയുടെ പ്രതിനിധിയും എമിറേറ്റ്സ് ഫാൽക്കണേഴ്സ് ക്ലബ് ചെയർമാനുമായ ഷെയ്ഖ് ഹംദാൻ ബിൻ സായിദ് അൽ നഹ്യാന്റെ രക്ഷാകർതൃത്വത്തിലാണ് പ്രദർശനം നടക്കുന്നത്.
അഡ്‌നെക് ഗ്രൂപ്പും എമിറേറ്റ്സ് ഫാൽക്കണേഴ്സ് ക്ലബ്ബും ചേർന്നാണ് പ്രദർശനം സംഘടിപ്പിക്കുന്നത്. ജനപങ്കാളിത്തം വർധിച്ചതിനെ തുടർന്ന് ഇത്തവണ പ്രദർശനം 10 ദിവസമായി നീട്ടിയിട്ടുണ്ട്.
ആദ്യമായാണ് അഡ്‌നെക് സെന്ററിലെ മുഴുവൻ സൗകര്യങ്ങളും പ്രദർശനത്തിനായി ഉപയോഗിക്കുന്നത്. 15 മേഖലകളിലായി നിരവധി കമ്പനികളും പ്രമുഖ ബ്രാൻഡുകളും പങ്കെടുക്കുന്ന പ്രദർശനത്തിൽ വേട്ടയാടൽ, കുതിരസവാരി, ഫാൽക്കണറി തുടങ്ങിയ മേഖലകളിലെ ഏറ്റവും പുതിയ ഉപകരണങ്ങളും സാങ്കേതികവിദ്യകളും പൈതൃക അനുഭവങ്ങളും അവതരിപ്പിക്കും.
എല്ലാ ദിവസവും രാവിലെ 10 മുതൽ രാത്രി 10 വരെയാണ് പ്രവേശനം. എല്ലാ പ്രായക്കാർക്കുമായി 40-ലധികം സാംസ്കാരിക, വിനോദ പരിപാടികളും ഒരുക്കിയിട്ടുണ്ട്.
About The Author
Great vibes and even better rewards. I love how easy it is to navigate through the different sections. Keep it up! vndt168