ദുബായ്, ഒക്ടോബർ 23, 2026: കർഷക ചന്ത (Farmers’ Souq) പദ്ധതിയുടെ പ്രചാരണത്തിനായി ദുബായ് മുനിസിപ്പാലിറ്റി നടത്തിയ സംയോജിത വിപണന-ആശയവിനിമയ പ്രചാരണത്തിന് ബെസ്റ്റ് ഇൻ ബിസ് അവാർഡ്സ് 2026ൽ മികച്ച മാർക്കറ്റിങ് ക്യാംപയിൻ വിഭാഗത്തിൽ ഗോൾഡ് പുരസ്കാരം. ദുബായ് മുനിസിപ്പാലിറ്റിയുടെ കോർപ്പറേറ്റ് മാർക്കറ്റിങ് ഡിപ്പാർട്ട്മെന്റിനാണ് പുരസ്കാരം ലഭിച്ചത്.
എമിറാത്തി കർഷകർക്ക് തങ്ങൾ ഉൽപ്പാദിപ്പിക്കുന്ന പുതിയതും പ്രാദേശികമായി കൃഷി ചെയ്തതുമായ ഉൽപ്പന്നങ്ങൾ നേരിട്ട് സമൂഹത്തിന് പ്രദർശിപ്പിക്കാനും വിൽക്കാനും അവസരമൊരുക്കുന്ന പദ്ധതിയാണ് കർഷക ചന്ത. പ്രാദേശിക കൃഷിയെ പിന്തുണയ്ക്കുകയാണ് പദ്ധതിയുടെ പ്രധാന ലക്ഷ്യം.
പ്രേക്ഷകരുടെ താൽപര്യങ്ങളും പ്രതികരണങ്ങളും മനസ്സിലാക്കി, ലക്ഷ്യബദ്ധമായ സന്ദേശങ്ങളും വിവിധ ആശയവിനിമയ മാർഗങ്ങളും ഉപയോഗിച്ച് സമൂഹപങ്കാളിത്തം വർധിപ്പിച്ചതിനാണ് പ്രചാരണത്തിന് അംഗീകാരം ലഭിച്ചത്. പരമ്പരാഗത മാധ്യമങ്ങളോടൊപ്പം ഡിജിറ്റൽ ആശയവിനിമയ മാർഗങ്ങളും പ്രചാരണത്തിൽ ഉപയോഗിച്ചു.
2025 ഡിസംബർ 6 മുതൽ 2026 മാർച്ച് 8 വരെ നടന്ന കർഷക ചന്തയുടെ അഞ്ചാം സീസണിലാണ് സമഗ്രമായ വിപണന-ആശയവിനിമയ ക്യാംപയിൻ നടപ്പാക്കിയത്. പരിപാടിക്ക് മുമ്പും പരിപാടി നടക്കുന്ന സമയത്തും ശേഷവും വിവിധ ഘട്ടങ്ങളിലായാണ് പ്രചാരണം നടത്തിയത്.
മുൻ സീസണുകളിൽ നിന്നുള്ള അനുഭവങ്ങളും പ്രദർശകരുടെയും സന്ദർശകരുടെയും ആവശ്യങ്ങളും പ്രതീക്ഷകളും സംബന്ധിച്ച പ്രത്യേക പഠനങ്ങളിൽ നിന്നുള്ള വിവരങ്ങളും പ്രചാരണത്തിന്റെ രൂപകൽപ്പനയിൽ ഉപയോഗിച്ചു. ഇതിന്റെ അടിസ്ഥാനത്തിൽ സന്ദേശങ്ങൾ പരിഷ്കരിക്കുകയും ആശയവിനിമയത്തിലെ പ്രധാന മേഖലകൾ തിരിച്ചറിയുകയും പ്രേക്ഷകരുടെ താൽപര്യങ്ങൾക്ക് അനുയോജ്യമായ ഉള്ളടക്കം തയ്യാറാക്കുകയും ചെയ്തു. കൂടുതൽ ആളുകളിലേക്ക് എത്താനും പങ്കാളിത്തം വർധിപ്പിക്കാനും അനുയോജ്യമായ വിപണന-മാധ്യമ ചാനലുകൾ തിരഞ്ഞെടുക്കാനും ഈ വിവരങ്ങൾ സഹായിച്ചു.
ദുബായ് മുനിസിപ്പാലിറ്റിയിലെ കോർപ്പറേറ്റ് മാർക്കറ്റിങ് ഡിപ്പാർട്ട്മെന്റ് ഡയറക്ടർ മഹ അൽ തയ്യാർ പറഞ്ഞു: “പ്രേക്ഷകരിൽ നിന്നുള്ള വിവരങ്ങൾ അടിസ്ഥാനമാക്കി അളക്കാവുന്ന ഫലങ്ങൾ നൽകുന്ന വിപണന-ആശയവിനിമയ ക്യാംപയിനുകൾ വികസിപ്പിക്കുന്നതിനുള്ള ഞങ്ങളുടെ പ്രതിബദ്ധതയ്ക്കുള്ള അംഗീകാരമാണിത്. മുൻ സീസണുകളിലെ അനുഭവങ്ങളും പ്രദർശകരുടെയും സന്ദർശകരുടെയും അഭിപ്രായങ്ങളും അടിസ്ഥാനമാക്കി സമീപനം മെച്ചപ്പെടുത്താനും പങ്കാളിത്തം ശക്തിപ്പെടുത്താനും കൂടുതൽ സമൂഹപങ്കാളിത്തം പ്രോത്സാഹിപ്പിക്കാനും സാധിച്ചു.”
അവർ കൂട്ടിച്ചേർത്തു: “പ്രാദേശിക കൃഷിയെ പ്രോത്സാഹിപ്പിക്കുകയും എമിറാത്തി കർഷകർക്ക് അവസരങ്ങൾ സൃഷ്ടിക്കുകയും ചെയ്യുന്ന മുനിസിപ്പൽ പദ്ധതികളുടെ ലക്ഷ്യങ്ങൾ കൈവരിക്കുന്നതിൽ സംയോജിത വിപണനത്തിനും ആശയവിനിമയത്തിനും വലിയ പങ്കുണ്ട്. ദുബായ് മുനിസിപ്പാലിറ്റിയുടെ പദ്ധതികളുടെയും സേവനങ്ങളുടെയും വ്യാപ്തിയും സ്വാധീനവും വർധിപ്പിക്കുന്നതിനായി തെളിവുകളെ അടിസ്ഥാനമാക്കിയുള്ള നൂതന സമീപനങ്ങൾ തുടർന്നും സ്വീകരിക്കും.”
സന്ദർശകരുടെ എണ്ണത്തിൽ 283% വർധന
കർഷക ചന്തയുടെ അഞ്ചാം സീസണിൽ 3,93,467 സന്ദർശകരാണ് എത്തിയത്. നാലാം സീസണിലെ 1,02,625 സന്ദർശകരെ അപേക്ഷിച്ച് ഇത് 283 ശതമാനം വർധനയാണ്. സമൂഹത്തിലെ ഒരു ജനപ്രിയ കേന്ദ്രമെന്ന നിലയിൽ കർഷക ചന്തയുടെ സ്വീകാര്യത വർധിക്കുന്നതിന്റെ സൂചനയാണിത്.
തുടക്കത്തിൽ പ്രധാനമായും പുതിയ കാർഷിക ഉൽപ്പന്നങ്ങളും വീട്ടിൽ തയ്യാറാക്കുന്ന ഉൽപ്പന്നങ്ങളും വിൽക്കുന്ന വിപണിയായിരുന്ന കർഷക ചന്ത പിന്നീട് കൂടുതൽ വിപുലമായ ഒരു സാമൂഹിക ഇടമായി മാറി. വിദ്യാഭ്യാസ ശിൽപ്പശാലകൾ, വിനോദ പരിപാടികൾ, സംവേദനാത്മക അനുഭവങ്ങൾ, വൈവിധ്യമാർന്ന ഭക്ഷണ സൗകര്യങ്ങൾ എന്നിവയും ഇപ്പോൾ ഇവിടെ ഒരുക്കുന്നുണ്ട്.
ഇതിലൂടെ വിവിധ പ്രായത്തിലുള്ള സന്ദർശകരെയും കുടുംബങ്ങളെയും കൂടുതൽ ആകർഷിക്കാൻ സാധിക്കുന്നുണ്ട്. അതേസമയം എമിറാത്തി കർഷകരെയും പ്രാദേശിക കാർഷിക ഉൽപ്പാദനത്തെയും പിന്തുണയ്ക്കുക എന്ന അടിസ്ഥാന ലക്ഷ്യം തുടർന്നും നിലനിർത്തുന്നു.
ഭക്ഷ്യസുരക്ഷാ സംവിധാനത്തെ ശക്തിപ്പെടുത്താനും സുസ്ഥിര കാർഷിക രീതികൾ പ്രോത്സാഹിപ്പിക്കാനും എമിറാത്തി കർഷകരെ അവരുടെ ബിസിനസുകൾ വികസിപ്പിക്കുന്നതിന് പിന്തുണയ്ക്കാനുമുള്ള ദുബായ് മുനിസിപ്പാലിറ്റിയുടെ ശ്രമങ്ങളുടെ ഭാഗമാണ് കർഷക ചന്ത.
കർഷകരും ഉപഭോക്താക്കളും തമ്മിൽ നേരിട്ടുള്ള ഇടപെടലിന് അവസരമൊരുക്കുന്നതിലൂടെ പ്രാദേശികമായി ഉൽപ്പാദിപ്പിക്കുന്ന ഭക്ഷ്യവസ്തുക്കളെക്കുറിച്ചും സുസ്ഥിര ഉപഭോഗത്തെക്കുറിച്ചും സമൂഹത്തിൽ അവബോധം വളർത്താനും പദ്ധതി സഹായിക്കുന്നു.
വിവിധ മേഖലകളിലെ സംഘടനാ മികവ്, നേതൃത്വം, ഉൽപ്പന്നങ്ങൾ, നവീകരണം, വിപണന പ്രചാരണങ്ങൾ തുടങ്ങിയ നേട്ടങ്ങൾക്കാണ് ബെസ്റ്റ് ഇൻ ബിസ് അവാർഡ്സ് അംഗീകാരം നൽകുന്നത്.

Top tier customer service! I had a small issue with my account and they sorted it out in minutes. It’s rare to find such helpful support these days. Love br54bet2 for that reason!
Super easy to navigate and the rewards system is actually rewarding. I love how simple it is to start playing. Download okplayslotapp