ദുബായ്,ഒക്ടോബർ 27,2026 : കസ്റ്റംസിൽ അടച്ച നിക്ഷേപത്തുക തിരികെ ലഭിക്കുന്നതിനുള്ള 13.6 ലക്ഷം അപേക്ഷകൾ 2026ന്റെ ആദ്യ പകുതിയിൽ ദുബായ് കസ്റ്റംസ് തീർപ്പാക്കി. മുൻവർഷം ഇതേ കാലയളവിലെ 13.1 ലക്ഷം അപേക്ഷകളെ അപേക്ഷിച്ച് 3.6 ശതമാനമാണ് വർധന. റീഫണ്ട് അപേക്ഷകളെ പിന്തുണയ്ക്കുന്ന രേഖകൾ സമർപ്പിക്കുന്നതിനുള്ള സമയപരിധി 30 ദിവസത്തിൽനിന്ന് 90 ദിവസമായി നീട്ടിയതായും അധികൃതർ അറിയിച്ചു.
അർഹമായ നിക്ഷേപത്തുക വേഗത്തിൽ തിരികെ നൽകുന്നതിലൂടെ കമ്പനികളുടെ പണമൊഴുക്ക് മെച്ചപ്പെടുത്താനും വ്യാപാര നടപടികൾ സുഗമമാക്കാനും ദുബായ് കസ്റ്റംസ് ലക്ഷ്യമിടുന്നു. നിക്ഷേപകേന്ദ്രമെന്ന നിലയിൽ ദുബായുടെ ആകർഷണീയത ശക്തിപ്പെടുത്തുന്നതിനും ഈ നടപടികൾ സഹായിക്കുന്നു.
അംഗീകരിച്ച അപേക്ഷകളുടെ മൂല്യം 620 കോടി ദിർഹം
ഉപഭോക്താക്കൾ സമർപ്പിച്ച അപേക്ഷകളുടെ ആകെ മൂല്യം 690 കോടി ദിർഹമായി ഉയർന്നു. 2025ന്റെ ആദ്യ പകുതിയിൽ ഇത് 610 കോടി ദിർഹമായിരുന്നു. 13.1 ശതമാനമാണ് വർധന.
അംഗീകരിച്ച അപേക്ഷകളുടെ മൂല്യം 540 കോടി ദിർഹത്തിൽനിന്ന് 620 കോടി ദിർഹമായി വർധിച്ചു. 14.8 ശതമാനത്തിന്റെ വളർച്ചയാണ് രേഖപ്പെടുത്തിയത്. വിദേശവ്യാപാരവുമായി ബന്ധപ്പെട്ട സാമ്പത്തിക ഇടപാടുകൾ വർധിക്കുന്നതും കമ്പനികളുടെ പ്രവർത്തനവിപുലീകരണത്തിന് അനുയോജ്യമായ സാമ്പത്തിക–കസ്റ്റംസ് സേവനങ്ങളുടെ ആവശ്യകതയുമാണ് ഈ കണക്കുകൾ വ്യക്തമാക്കുന്നത്.
വ്യാപാരികളുടെ മത്സരക്ഷമത വർധിപ്പിക്കുന്നതും വിശ്വസനീയമായ വ്യാപാരം സാധ്യമാക്കുന്നതും സാമ്പത്തിക വളർച്ചയുടെ പ്രധാന ഘടകങ്ങളാണെന്ന് ദുബായ് കസ്റ്റംസ് അഡ്മിനിസ്ട്രേഷൻ ആൻഡ് ഫിനാൻസ് വിഭാഗം എക്സിക്യൂട്ടീവ് ഡയറക്ടർ റാഷിദ് അൽ ഷാരിദ് പറഞ്ഞു. നടപടികൾ പൂർത്തിയാക്കുന്നതിനുള്ള സമയം കുറയ്ക്കുകയും അർഹമായ നിക്ഷേപത്തുക വേഗത്തിൽ തിരികെ നൽകുകയും ചെയ്യുന്നതിലൂടെ കമ്പനികൾക്ക് മൂലധനം കൂടുതൽ കാര്യക്ഷമമായി കൈകാര്യം ചെയ്യാനാകും. പ്രവർത്തനങ്ങൾ വിപുലപ്പെടുത്താനും പുതിയ വ്യാപാരാവസരങ്ങൾ പ്രയോജനപ്പെടുത്താനും ഇത് സഹായിക്കുമെന്നും അദ്ദേഹം വ്യക്തമാക്കി.
നിക്ഷേപത്തുക തിരികെ ലഭിക്കുന്നത് നിബന്ധനകൾ പൂർത്തിയാക്കിയാൽ
കസ്റ്റംസ് തീരുവ അടയ്ക്കുന്നത് താൽക്കാലികമായി മാറ്റിവെക്കാൻ അനുവദിക്കുന്ന സംവിധാനങ്ങൾക്ക് കീഴിലുള്ള ചരക്കുകൾക്കായി ഉപഭോക്താക്കൾ നിക്ഷേപത്തുക അടയ്ക്കാറുണ്ട്. ആവശ്യമായ നിബന്ധനകൾ പൂർത്തിയാക്കിയാൽ ഈ തുക തിരികെ ലഭിക്കും. ഇത്തരം നടപടികൾ മെച്ചപ്പെടുത്തുന്നത് കമ്പനികളുടെ പ്രവർത്തനഭാരം കുറയ്ക്കുകയും സാമ്പത്തിക വിഭവങ്ങൾ ബിസിനസ് വികസനത്തിനും പുതിയ അവസരങ്ങൾ കണ്ടെത്തുന്നതിനും ഉപയോഗിക്കാൻ സഹായിക്കുകയും ചെയ്യുമെന്ന് അൽ ഷാരിദ് പറഞ്ഞു. അപേക്ഷകൾ കൈകാര്യം ചെയ്യുന്നതിലെ വേഗത്തിനൊപ്പം പരിശോധനയുടെ കൃത്യതയും ഉറപ്പാക്കുന്ന സംയോജിത സേവനസംവിധാനമാണ് വികസിപ്പിക്കുന്നത്. മാനദണ്ഡങ്ങൾ പാലിക്കുന്ന അപേക്ഷകൾക്ക് സ്മാർട്ട് അംഗീകാരം നൽകുന്നത് വിപുലപ്പെടുത്തുന്നതിലൂടെ പ്രത്യേക വിലയിരുത്തൽ ആവശ്യമായ ഇടപാടുകളിൽ ജീവനക്കാരുടെ വൈദഗ്ധ്യം കൂടുതൽ പ്രയോജനപ്പെടുത്താനാകുമെന്നും അദ്ദേഹം കൂട്ടിച്ചേർത്തു.
ഡിജിറ്റൽ സേവനങ്ങളും പരിശോധനാ സംവിധാനങ്ങളും വിപുലപ്പെടുത്തുന്നു
കസ്റ്റംസ് റീഫണ്ട് വിഭാഗം വിവിധ വികസന പദ്ധതികൾ നടപ്പാക്കിവരികയാണ്. ചരക്കുകളുടെ പ്രവേശന–പുറത്തുപോകൽ സർട്ടിഫിക്കറ്റുകൾ ഡിജിറ്റലാക്കുക, ജബൽ അലി ഫ്രീ സോൺ കമ്പനികളുടെ നിക്ഷേപ ഇടപാടുകൾക്ക് സ്മാർട്ട് അംഗീകാരം നൽകുക, ഫ്രീ സോണിലെയും ലോജിസ്റ്റിക്സ് സോണിലെയും നിക്ഷേപ സേവനങ്ങൾ തമ്മിൽ ബന്ധിപ്പിക്കുക എന്നിവ ഇതിൽ ഉൾപ്പെടുന്നു. ചരക്കുകളുടെ കയറ്റുമതി വൈകുന്ന സാഹചര്യങ്ങൾ കൈകാര്യം ചെയ്യുന്നതിനുള്ള നടപടികളും മെച്ചപ്പെടുത്തുന്നുണ്ട്. ഇടപാടുകളിലെ അപകടസാധ്യത വിലയിരുത്തുന്ന സംവിധാനങ്ങളുടെ ഉപയോഗം വിപുലപ്പെടുത്തുക, ഇടപാടുകളുടെ സ്വഭാവവും സാമ്പത്തിക മൂല്യവും അനുസരിച്ച് ജീവനക്കാരുടെ അധികാരപരിധികൾ ക്രമീകരിക്കുക, ബന്ധപ്പെട്ട സ്ഥാപനങ്ങളുമായുള്ള വിവരബന്ധം ശക്തിപ്പെടുത്തുക എന്നിവയും വികസന പ്രവർത്തനങ്ങളുടെ ഭാഗമാണ്.
അധിക പരിശോധനയോ അനുബന്ധ രേഖകളോ ആവശ്യമായ അപേക്ഷകളിൽ പരിശോധനയുടെ കൃത്യത വർധിപ്പിക്കാനും തീരുമാനങ്ങൾ വേഗത്തിലാക്കാനും ഈ നടപടികൾ സഹായിക്കും.
99 ശതമാനം അപേക്ഷകളും നിശ്ചിത സമയത്തിനകം
രണ്ട് പ്രവൃത്തിദിവസത്തിനകം സേവനം നൽകുകയെന്ന ലക്ഷ്യത്തിന്റെ അടിസ്ഥാനത്തിൽ 99 ശതമാനം അപേക്ഷകളും നിശ്ചിത സമയപരിധിക്കുള്ളിൽ പൂർത്തിയാക്കിയതായി കസ്റ്റംസ് റീഫണ്ട് വിഭാഗം ഡയറക്ടർ അഹമ്മദ് അൽ ജംരി പറഞ്ഞു. നടപടിക്രമങ്ങളുടെ തുടർച്ചയായ പരിഷ്കരണം, സ്മാർട്ട് അംഗീകാരങ്ങളുടെ വിപുലീകരണം, സേവനങ്ങൾ തമ്മിലുള്ള ഇലക്ട്രോണിക് ബന്ധം എന്നിവയാണ് ഈ നേട്ടത്തിന് സഹായിച്ചത്. ഉപഭോക്തൃ സംതൃപ്തി വർധിപ്പിക്കുന്നതിനൊപ്പം ബിസിനസ് വളർച്ചയ്ക്കും ഇത് പിന്തുണ നൽകുന്നതായി അദ്ദേഹം വ്യക്തമാക്കി. 2026ന്റെ ആദ്യ പകുതിയിൽ 8,44,500 അപേക്ഷകൾക്ക് സ്മാർട്ട് സംവിധാനങ്ങളിലൂടെ സ്വയമേവ അംഗീകാരം നൽകി. 2025ലെ ഇതേ കാലയളവിൽ ഇത് 7,67,500 ആയിരുന്നു. പത്ത് ശതമാനമാണ് വർധന.
പൂർത്തിയാക്കിയ ആകെ അപേക്ഷകളിൽ ഏകദേശം 62.1 ശതമാനത്തിനും സ്വയമേവയാണ് അംഗീകാരം ലഭിച്ചത്. സ്മാർട്ട് അംഗീകാരത്തിലേക്കുള്ള മാറ്റം ജീവനക്കാരുടെ ചുമതലകൾ പുനഃക്രമീകരിക്കാനും അവരുടെ വൈദഗ്ധ്യം കൂടുതൽ ഫലപ്രദമായി ഉപയോഗിക്കാനും സഹായിച്ചു. രേഖകൾ സമർപ്പിക്കാനുള്ള സമയപരിധി 30ൽനിന്ന് 90 ദിവസമായി സമീപകാല ആഗോള സാമ്പത്തിക–ഭൗമരാഷ്ട്രീയ സാഹചര്യങ്ങളിൽ ചില കമ്പനികൾക്ക് ആവശ്യമായ രേഖകൾ തയ്യാറാക്കാൻ കൂടുതൽ സമയം വേണ്ടിവരുന്നതായി പഠനങ്ങളിൽ കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് റീഫണ്ട് അപേക്ഷകളെ പിന്തുണയ്ക്കുന്ന രേഖകൾ സമർപ്പിക്കുന്നതിനുള്ള സമയപരിധി 30 ദിവസത്തിൽനിന്ന് 90 ദിവസമായി നീട്ടാൻ തീരുമാനിച്ചത്. കമ്പനികൾക്ക് കൂടുതൽ സമയം നൽകുന്നതിലൂടെ കാലതാമസങ്ങൾ കുറയ്ക്കാനും നിബന്ധനകൾ പാലിക്കുന്ന അപേക്ഷകൾ വേഗത്തിൽ തീർപ്പാക്കാനും നിക്ഷേപത്തുക നഷ്ടപ്പെടുന്ന സാഹചര്യം ഒഴിവാക്കാനും ലക്ഷ്യമിടുന്നു. പൊതുവ്യാപാരം, പുനർകയറ്റുമതി, അതിവേഗ ചരക്കുനീക്കം, ദേശീയ വ്യവസായങ്ങൾ തുടങ്ങിയ മേഖലകളുടെ വ്യത്യസ്ത ആവശ്യങ്ങൾ പരിഗണിച്ചാണ് പരിഷ്കാരങ്ങൾ. ഓരോ മേഖലയിലെയും പ്രവർത്തനങ്ങളുടെ സ്വഭാവം, വലിപ്പം, സമയക്രമം എന്നിവയും കണക്കിലെടുക്കുന്നു.
അർഹമായ നിക്ഷേപത്തുക വേഗത്തിൽ തിരികെ നൽകുകയും നടപടിക്രമങ്ങളുടെ ഭാരം കുറയ്ക്കുകയും ആവശ്യകതകൾ വ്യക്തമാക്കുകയും ചെയ്തുകൊണ്ട് വ്യാപാരത്തിന് പിന്തുണ നൽകുന്ന സേവനങ്ങൾ തുടർന്നും വികസിപ്പിക്കുമെന്ന് ദുബായ് കസ്റ്റംസ് അറിയിച്ചു. കമ്പനികളുടെ സാമ്പത്തിക വിഭവങ്ങൾ കൂടുതൽ ഉൽപാദനപരമായി ഉപയോഗിക്കാനും വളർച്ചയ്ക്കും നിക്ഷേപത്തിനും പുതിയ അവസരങ്ങൾ സൃഷ്ടിക്കാനും ഈ നടപടികൾ സഹായിക്കും.

Really impressed with the security and the way they handle transactions. It feels very safe to play here. Visit ph788ph
Customer support is actually helpful and responds quickly to queries. It makes a huge difference. Five stars for vnau88com!
The game variety here is insane! I love how the slots run without any lag, making the whole experience much more immersive. Highly recommended for slot enthusiasts. Visit evoplayslot
Finally found a way to get the app installed without any hassle. The mobile experience is way better than the browser version. Get it via 355betappdownload.