അബുദാബി,ഒക്ടോബർ 27,2026 : ആദ്യ ബ്ലൂ ബോണ്ട് പുറത്തിറക്കി അബുദാബി ഫ്യൂച്ചർ എനർജി കമ്പനിയായ മസ്ദർ 60 കോടി യുഎസ് ഡോളർ സമാഹരിച്ചു. കമ്പനിയുടെ 600 കോടി ഡോളറിന്റെ ഗ്ലോബൽ മീഡിയം ടേം നോട്ട് പ്രോഗ്രാമിന്റെ ഭാഗമായാണ് അഞ്ച് വർഷ കാലാവധിയുള്ള ബോണ്ട് പുറത്തിറക്കിയത്.
എസ് ആൻഡ് പി, ഫിച്ച് എന്നീ റേറ്റിങ് ഏജൻസികൾ ബോണ്ടിന് ‘AA-’ റേറ്റിങ് നൽകി. ഇതോടെ ലോകത്ത് ഇതുവരെ ഒരു കോർപ്പറേറ്റ് സ്ഥാപനം പൊതുവിപണിയിൽ പുറത്തിറക്കിയ ബ്ലൂ ബോണ്ടുകളിൽ ഏറ്റവും ഉയർന്ന റേറ്റിങ്ങുള്ളതായാണ് മസ്ദറിന്റെ ബോണ്ട് മാറിയത്. ലണ്ടൻ സ്റ്റോക്ക് എക്സ്ചേഞ്ചിന്റെ ഇന്റർനാഷണൽ സെക്യൂരിറ്റീസ് മാർക്കറ്റിൽ പുറത്തിറക്കിയ ബോണ്ടിന്റെ കൂപ്പൺ പലിശനിരക്ക് 5.875 ശതമാനമാണ്. യൂറോപ്പിലെ നിക്ഷേപങ്ങളുമായി ധനസമാഹരണം പൊരുത്തപ്പെടുത്തുന്നതിനായി കറൻസി സ്വാപ്പിലൂടെ ഇത് യൂറോയിലേക്ക് മാറ്റി. ഇതോടെ യൂറോ അടിസ്ഥാനത്തിലുള്ള യീൽഡ് 4.374 ശതമാനമായി. വെല്ലുവിളി നിറഞ്ഞ വിപണി സാഹചര്യങ്ങളിലും പ്രാദേശിക, അന്താരാഷ്ട്ര നിക്ഷേപകരിൽനിന്ന് മികച്ച പ്രതികരണമാണ് ലഭിച്ചത്. നിക്ഷേപ ഓർഡറുകളുടെ മൂല്യം പരമാവധി 150 കോടി ഡോളറിലെത്തി. ബോണ്ടിന്റെ വലിപ്പത്തിന്റെ 2.5 മടങ്ങായിരുന്നു ആവശ്യകത.
ജലവിഭവങ്ങളുമായി ബന്ധപ്പെട്ട ശുദ്ധ ഊർജ പദ്ധതികൾക്ക് പിന്തുണ
അർഹമായ ബ്ലൂ പദ്ധതികൾ ഉൾപ്പെടുത്തുന്നതിനായി മസ്ദർ കഴിഞ്ഞ മാസം ഗ്രീൻ ഫിനാൻസ് ഫ്രെയിംവർക്ക് പുതുക്കിയിരുന്നു. കടലിലെ കാറ്റിൽനിന്ന് വൈദ്യുതി ഉൽപാദിപ്പിക്കുന്ന ഓഫ്ഷോർ വിൻഡ് പദ്ധതികൾ ഉൾപ്പെടെ ജലവിഭവങ്ങളുമായി ബന്ധപ്പെട്ട ശുദ്ധ ഊർജ പദ്ധതികളിലേക്ക് മൂലധനം എത്തിക്കാൻ ഇതിലൂടെ കഴിയും.
സമുദ്രങ്ങളുടെയും ജലവിഭവങ്ങളുടെയും സുസ്ഥിര ഉപയോഗത്തിന് സംഭാവന നൽകുന്ന പദ്ധതികളാണ് ഈ വിഭാഗത്തിൽ ഉൾപ്പെടുക. ജൈവവൈവിധ്യത്തെ പ്രതികൂലമായി ബാധിക്കുന്ന സാഹചര്യം പരമാവധി കുറയ്ക്കുന്നതിനായി പദ്ധതികൾ സമഗ്രമായ ആഘാത വിലയിരുത്തലുകൾക്ക് വിധേയമാകണം.
ഭാവിയിലെ ശുദ്ധ ഊർജ സംവിധാനം കെട്ടിപ്പടുക്കുന്നതിൽ പങ്കാളികളാകാൻ നിക്ഷേപകർക്ക് കൂടുതൽ അവസരങ്ങൾ നൽകുന്നതാണ് ആദ്യ ബ്ലൂ ബോണ്ടെന്ന് മസ്ദർ ചീഫ് ഫിനാൻഷ്യൽ ഓഫീസർ മാസിൻ ഖാൻ പറഞ്ഞു. ഏറ്റവും കൂടുതൽ പ്രയോജനം സൃഷ്ടിക്കാവുന്ന പദ്ധതികളിലേക്ക് മൂലധനം എത്തിക്കാനും കൂടുതൽ പ്രതിരോധശേഷിയുള്ള ബ്ലൂ, ഗ്രീൻ സമ്പദ്വ്യവസ്ഥകളുടെ വികസനത്തെ പിന്തുണയ്ക്കാനും ഇത് സഹായിക്കുമെന്നും അദ്ദേഹം വ്യക്തമാക്കി.
30 പുനരുപയോഗ ഊർജ പദ്ധതികൾക്ക് ധനസഹായം
2023 മുതൽ ബോണ്ട് പ്രോഗ്രാമിലൂടെ മസ്ദർ 275 കോടി ഡോളർ സമാഹരിച്ചിട്ടുണ്ട്. 2025 അവസാനത്തോടെ ഇതിൽ 230 കോടി ഡോളർ പത്ത് രാജ്യങ്ങളിലായി 30 പുനരുപയോഗ ഊർജ പദ്ധതികൾക്ക് അനുവദിച്ചു. ഈ പദ്ധതികളുടെ മൊത്തം ഉൽപാദനശേഷി 16 ഗിഗാവാട്ടിലധികമാണ്. മസ്ദറിന്റെ പുതുക്കിയ ഗ്രീൻ ഫിനാൻസ് ഫ്രെയിംവർക്ക്, ഇന്റർനാഷണൽ ക്യാപിറ്റൽ മാർക്കറ്റ് അസോസിയേഷന്റെയും ഇന്റർനാഷണൽ ഫിനാൻസ് കോർപ്പറേഷന്റെയും ബ്ലൂ ഫിനാൻസ് മാർഗനിർദേശങ്ങളുമായി യോജിക്കുന്നതാണ്. മൂഡീസ് ഈ സംവിധാനത്തിന് വീണ്ടും ‘SQS1 — എക്സലന്റ്’ റേറ്റിങ് നൽകി. ലഭിക്കാവുന്ന ഏറ്റവും ഉയർന്ന സസ്റ്റൈനബിലിറ്റി ക്വാളിറ്റി സ്കോറാണിത്. അബുദാബി കൊമേഴ്സ്യൽ ബാങ്ക്, ബിഎൻപി പാരിബാസ്, ക്രെഡിറ്റ് അഗ്രിക്കോൾ സിഐബി, ഫസ്റ്റ് അബുദാബി ബാങ്ക്, എച്ച്എസ്ബിസി, ജെപി മോർഗൻ, സൊസൈറ്റേ ജനറാൽ സിഐബി എന്നിവയാണ് ബോണ്ട് പുറത്തിറക്കുന്നതിനുള്ള ജോയിന്റ് ലീഡ് മാനേജർമാരായും ബുക്ക്റണ്ണർമാരായും പ്രവർത്തിച്ചത്.
2030ഓടെ 100 ഗിഗാവാട്ട് ലക്ഷ്യം മസ്ദറിന്റെ പുനരുപയോഗ ഊർജ പദ്ധതികളുടെ മൊത്തം ശേഷി നിലവിൽ 65 ഗിഗാവാട്ടിലധികമാണ്. സൗരോർജം, കരയിലെയും കടലിലെയും കാറ്റിൽനിന്നുള്ള ഊർജം, ബാറ്ററി സംഭരണം, വിവിധ സാങ്കേതികവിദ്യകൾ സംയോജിപ്പിക്കുന്ന ഹൈബ്രിഡ് സംവിധാനങ്ങൾ എന്നിവ ഇതിൽ ഉൾപ്പെടുന്നു.
സ്ഥാപിതവും അതിവേഗം വളരുന്നതുമായ പുനരുപയോഗ ഊർജ വിപണികളിൽ പ്രവർത്തനം വിപുലപ്പെടുത്തുന്ന കമ്പനി, 2030ഓടെ 100 ഗിഗാവാട്ട് ശേഷിയിലെത്താനാണ് ലക്ഷ്യമിടുന്നത്. പ്രധാന വിപണികളിൽ സൂക്ഷ്മമായ നിക്ഷേപ ആസൂത്രണത്തിലൂടെ വളർച്ച തുടരുകയും വർധിച്ചുവരുന്ന വൈദ്യുതി ആവശ്യങ്ങൾക്കായി വിശ്വസനീയവും താങ്ങാനാകുന്ന ചെലവിലുള്ളതുമായ ശുദ്ധ ഊർജം ലഭ്യമാക്കുകയും ചെയ്യുകയാണ് ലക്ഷ്യം. ഊർജസുരക്ഷയ്ക്കും സാമ്പത്തിക വളർച്ചയ്ക്കും ഈ പ്രവർത്തനങ്ങൾ പിന്തുണ നൽകും.

Finally found a place that actually pays out consistently. The games are fair and the vibe is just right. Highly recommend checking this one out. idgacor777
I’ve been looking for a reliable place to play and this one really delivers. The interface is super smooth and the payouts are fast. Check it out at lucky97login505