ദുബായ്, നവംബർ 2, 2026 : യുഎഇയുടെ ദേശീയ ഐക്യവും പൈതൃകവും നേട്ടങ്ങളും ആഘോഷിക്കാൻ ഒരു മാസം നീളുന്ന ‘നാഷണൽ മന്ത്’ പരിപാടികളുമായി ദുബായ്. ദുബായ് ഗവൺമെന്റ് മീഡിയ ഓഫീസിന്റെ ക്രിയേറ്റീവ് വിഭാഗമായ ബ്രാൻഡ് ദുബായിയുടെ നേതൃത്വത്തിൽ നവംബർ മൂന്ന് മുതൽ ഡിസംബർ രണ്ട് വരെയാണ് എമിറേറ്റിന്റെ വിവിധ ഭാഗങ്ങളിൽ ആഘോഷങ്ങൾ സംഘടിപ്പിക്കുന്നത്.
സർക്കാർ, അർധസർക്കാർ, സ്വകാര്യ സ്ഥാപനങ്ങളുടെ സഹകരണത്തോടെയാണ് പരിപാടികൾ നടക്കുക. യുഎഇയുടെ ചരിത്രവും ദേശീയ മൂല്യങ്ങളും രാജ്യത്തിന്റെ വളർച്ചയും പുതിയ തലമുറയ്ക്ക് പരിചയപ്പെടുത്തുന്നതിനൊപ്പം പൗരന്മാർക്കും താമസക്കാർക്കും സന്ദർശകർക്കും ആഘോഷങ്ങളുടെ ഭാഗമാകാനുള്ള അവസരവും ഒരുക്കും.
ദേശീയ പതാക ദിനം മുതൽ ഈദ് അൽ ഇത്തിഹാദ് വരെ
യുഎഇയുടെ ദേശീയ ആഘോഷങ്ങളെ ഒരുമിപ്പിക്കുന്ന ‘നാഷണൽ മന്ത്’ സംരംഭത്തിന് തുടക്കമിട്ടത് ദുബായ് രണ്ടാം ഉപഭരണാധികാരിയും ദുബായ് മീഡിയ കൗൺസിൽ ചെയർമാനുമായ ഷെയ്ഖ് അഹമ്മദ് ബിൻ മുഹമ്മദ് ബിൻ റാഷിദ് അൽ മക്തൂമാണ്.
നവംബർ മൂന്നിന് നടക്കുന്ന യുഎഇ പതാക ദിനാഘോഷങ്ങളോടെയാണ് പരിപാടികൾക്ക് തുടക്കമാകുക. ഡിസംബർ രണ്ടിന് നടക്കുന്ന യുഎഇയുടെ 55-ാമത് ഈദ് അൽ ഇത്തിഹാദ് ആഘോഷങ്ങളോടെ ഒരു മാസം നീളുന്ന പരിപാടികൾ സമാപിക്കും.
രാജ്യത്തിന്റെ സ്ഥാപക നേതാക്കളുടെ ദീർഘവീക്ഷണത്തെയും യുഎഇയുടെ വികസനത്തിന് അവർ നൽകിയ സംഭാവനകളെയും അനുസ്മരിക്കുന്നതിനൊപ്പം രാജ്യത്തിന്റെ ഭാവി രൂപപ്പെടുത്തുന്നതിൽ നിലവിലെ നേതൃത്വം വഹിക്കുന്ന പങ്കും ആഘോഷങ്ങളുടെ ഭാഗമായി ഉയർത്തിക്കാട്ടും.
ഫ്ലാഗ് ഗാർഡനും യുഎഇ പരേഡും പ്രധാന ആകർഷണങ്ങൾ
നാഷണൽ മന്തിന്റെ ഭാഗമായി വിവിധ സാംസ്കാരിക, കലാപരിപാടികളും പൊതുജന പങ്കാളിത്തത്തോടെയുള്ള ആഘോഷങ്ങളും സംഘടിപ്പിക്കും.
യുഎഇ പതാക ദിനാഘോഷങ്ങൾ, ഈദ് അൽ ഇത്തിഹാദ് ആഘോഷങ്ങൾ, ഫ്ലാഗ് ഗാർഡൻ, യുഎഇ പരേഡ് എന്നിവയാണ് പ്രധാന പരിപാടികൾ.
ഇതോടൊപ്പം ‘സ്റ്റോറീസ് ഓഫ് അവർ ഡിറ്റർമിനേഷൻ’ എന്ന പേരിൽ ഹ്രസ്വചിത്ര മത്സരവും സംഘടിപ്പിക്കും. ദുബായ് മീഡിയ കൗൺസിലിന് കീഴിലുള്ള ദുബായ് ഫിലിംസ് ആൻഡ് ഗെയിംസ് കമ്മീഷനാണ് മത്സരം ആരംഭിച്ചത്.
ഐക്യത്തിന്റെയും നിശ്ചയദാർഢ്യത്തിന്റെയും കഥകൾ ഹ്രസ്വചിത്രങ്ങളിലൂടെ അവതരിപ്പിക്കാൻ കലാപ്രതിഭകൾക്ക് അവസരമൊരുക്കുകയാണ് മത്സരത്തിന്റെ ലക്ഷ്യം.
ദുബായിലുടനീളം ആഘോഷങ്ങൾ
ദുബായിലെ വിവിധ സർക്കാർ, അർധസർക്കാർ, സ്വകാര്യ സ്ഥാപനങ്ങൾ ദേശീയ ദിനാഘോഷങ്ങളുടെ ഭാഗമായി പ്രത്യേക പരിപാടികൾ സംഘടിപ്പിക്കും.
ജീവനക്കാർക്കും സന്ദർശകർക്കും പൊതുജനങ്ങൾക്കും പങ്കെടുക്കാവുന്ന രീതിയിലായിരിക്കും ആഘോഷങ്ങൾ. വിവിധ സ്ഥാപനങ്ങളുടെ പരിപാടികൾ പരസ്പരം ഏകോപിപ്പിക്കുന്നതിനുള്ള ചുമതലയും ബ്രാൻഡ് ദുബായ് നിർവഹിക്കും.
ദേശീയ ഐക്യവും പൈതൃകവും ഉയർത്തിക്കാട്ടും
യുഎഇയുടെ ചരിത്രം, ദേശീയ വ്യക്തിത്വം, മൂല്യങ്ങൾ എന്നിവയിൽ നിന്ന് പ്രചോദനം ഉൾക്കൊണ്ടുള്ള പരിപാടികളാണ് സംഘടിപ്പിക്കുന്നതെന്ന് ബ്രാൻഡ് ദുബായ് ഡയറക്ടർ ഷൈമ അൽ സുവൈദി പറഞ്ഞു.
രാജ്യത്തിന്റെ വളർച്ചയിലുള്ള അഭിമാനവും സമൂഹത്തിന്റെ ഐക്യവും ഭാവിയിലേക്കുള്ള പ്രതീക്ഷകളും ആഘോഷങ്ങളിലൂടെ പ്രകടമാക്കുകയാണ് ലക്ഷ്യമെന്നും അവർ വ്യക്തമാക്കി.
ദേശീയ ആഘോഷങ്ങളുടെ പ്രാധാന്യം പ്രതിഫലിപ്പിക്കുന്ന വൈവിധ്യമാർന്ന പരിപാടികൾ ഒരുക്കുന്നതിനായി വിവിധ സ്ഥാപനങ്ങളുമായി സഹകരിച്ച് പ്രവർത്തിച്ചുവരികയാണെന്നും ഷൈമ അൽ സുവൈദി കൂട്ടിച്ചേർത്തു.
പരിപാടികളുടെ സ്ഥലങ്ങളും തീയതികളും ഉടൻ
നാഷണൽ മന്തിന്റെ ഭാഗമായി സംഘടിപ്പിക്കുന്ന വിവിധ പരിപാടികളുടെ കൃത്യമായ തീയതികളും വേദികളും ഘട്ടംഘട്ടമായി പ്രഖ്യാപിക്കും.
യുഎഇയുടെ 55-ാമത് ദേശീയ ദിനാഘോഷങ്ങളെ ദുബായിലെ വിവിധ സമൂഹങ്ങളിലേക്ക് എത്തിക്കുന്നതിനൊപ്പം രാജ്യത്തിന്റെ ഐക്യവും പൈതൃകവും ഒരുമിച്ച് ആഘോഷിക്കാനുള്ള അവസരമൊരുക്കുകയാണ് ബ്രാൻഡ് ദുബായിയുടെ ലക്ഷ്യം.

I like how transparent they are with their terms and conditions. No hidden traps here. I feel safe playing at pub7774777pub.