അബുദാബി, നവംബർ 5, 2026 : യുഎഇ ദേശീയദിനാഘോഷങ്ങളുടെ ഭാഗമായി സംഘടിപ്പിക്കുന്ന രണ്ടാമത് ‘റൺ ഫോർ ദ നേഷൻ – ഹസ്സൻതക് യാ വതൻ’ നവംബർ 29ന് അബുദാബിയിൽ നടക്കും. 20,000ത്തിലധികം സ്വദേശികളും പ്രവാസികളും പങ്കെടുക്കുമെന്നാണ് പ്രതീക്ഷിക്കുന്നത്.
സായിദ് ചാരിറ്റി റൺ സംഘാടക സമിതിയാണ് പരിപാടി പ്രഖ്യാപിച്ചത്. ശാരീരികക്ഷമത പ്രോത്സാഹിപ്പിക്കുന്നതിനൊപ്പം രാജ്യത്തെ ജനങ്ങൾക്കിടയിൽ ഐക്യവും ഒരുമയും വളർത്തുകയാണ് പരിപാടിയുടെ ലക്ഷ്യം.
യുഎഇയുടെ രാഷ്ട്രപിതാവ് അന്തരിച്ച ശൈഖ് സായിദ് ബിൻ സുൽത്താൻ അൽ നഹ്യാന്റെ മാനുഷിക മൂല്യങ്ങളും സേവന പാരമ്പര്യവും ഉയർത്തിപ്പിടിക്കുന്ന സായിദ് ചാരിറ്റി റണ്ണിന്റെ തുടർച്ചയായാണ് പരിപാടി സംഘടിപ്പിക്കുന്നത്. 2001ലാണ് സായിദ് ചാരിറ്റി റൺ ആരംഭിച്ചത്.
വിവിധ വിഭാഗങ്ങളിലുള്ള ജനങ്ങളെ ഒരുമിപ്പിക്കുന്ന വേദിയായി കായികമേഖല മാറിയെന്ന് സംഘാടക സമിതി ചെയർമാൻ ലെഫ്റ്റനന്റ് ജനറൽ (റിട്ട.) മുഹമ്മദ് ഹെലാൽ അൽ കഅബി പറഞ്ഞു. ഇത് ഒരു കായികമത്സരം മാത്രമല്ലെന്നും രാജ്യത്തിന്റെ ഐക്യവും സാമൂഹിക മൂല്യങ്ങളും പ്രതിഫലിപ്പിക്കുന്ന ദേശീയ പരിപാടിയാണെന്നും അദ്ദേഹം വ്യക്തമാക്കി.
വാഹത് അൽ കരാമയിൽ നിന്ന് ആരംഭിക്കുന്ന ഓട്ടം എർത്ത് അബുദാബിയിൽ അവസാനിക്കും. എല്ലാ പ്രായക്കാർക്കും പങ്കെടുക്കാവുന്ന രീതിയിൽ മൂന്ന് കിലോമീറ്റർ, അഞ്ച് കിലോമീറ്റർ, 10 കിലോമീറ്റർ എന്നിങ്ങനെ മൂന്ന് വിഭാഗങ്ങളിലായാണ് ഓട്ടം ക്രമീകരിച്ചിരിക്കുന്നത്.
കുടുംബങ്ങൾക്കും വിനോദത്തിനായി ഓടുന്നവർക്കും പരിചയസമ്പന്നരായ കായികതാരങ്ങൾക്കും പങ്കെടുക്കാൻ അവസരമുണ്ടാകും. മത്സരത്തിൽ പങ്കെടുക്കാൻ രജിസ്ട്രേഷൻ സൗജന്യമാണ്. വിവിധ പ്രായവിഭാഗങ്ങളിലെ വിജയികൾക്ക് പുരസ്കാരങ്ങളും നൽകും.
പരിപാടി എല്ലാ വർഷവും സംഘടിപ്പിക്കുന്ന ഒന്നാക്കി മാറ്റാനും ജനങ്ങളിൽ ആരോഗ്യകരമായ ജീവിതശൈലി പ്രോത്സാഹിപ്പിക്കാനുമാണ് സംഘാടകരുടെ ലക്ഷ്യം.

Great to see such a reliable login portal for the community here. Everything works as expected without any glitches. Visit bajiapppakistanlogin