ദുബായ്,നവംബർ 4,2026 : ദുബായ് ഇൻവെസ്റ്റ്മെന്റ്സ് പി.ജെ.എസ്.സി.യുടെ നിക്ഷേപ സ്ഥാപനമായ DIP ഹോൾഡിങ് പി.എൽ.സി.യുടെ പ്രാഥമിക ഓഹരി വിൽപ്പനയുടെ (IPO) അന്തിമ ഓഹരി വില 1.12 ദിർഹമായി നിശ്ചയിച്ചു. ഓഹരി വിൽപ്പനയ്ക്കായുള്ള ബുക്ക്ബിൽഡിങ്, സബ്സ്ക്രിപ്ഷൻ നടപടികൾ വിജയകരമായി പൂർത്തിയായതിനെ തുടർന്നാണ് പ്രഖ്യാപനം. 2026ലെ യുഎഇയിലെ ആദ്യ ഐപിഒ എന്ന പ്രത്യേകതയോടെയാണ് ഈ ഓഹരി വിൽപ്പന ശ്രദ്ധ നേടുന്നത്. നിക്ഷേപകരിൽ നിന്ന് മികച്ച പ്രതികരണമാണ് ലഭിച്ചത്.
ഓരോ ഓഹരിക്കും 1.12 ദിർഹം എന്ന വിലയിൽ ഐപിഒയുടെ ആകെ മൂല്യം ഏകദേശം 190 കോടി ദിർഹമാണ് (529 മില്യൺ യുഎസ് ഡോളർ). ദുബായ് ഫിനാൻഷ്യൽ മാർക്കറ്റിൽ (DFM) ലിസ്റ്റ് ചെയ്യുമ്പോൾ DIP ഹോൾഡിങ്ങിന്റെ വിപണി മൂല്യം ഏകദേശം 970 കോടി ദിർഹമായി (2.6 ബില്യൺ ഡോളർ) കണക്കാക്കുന്നു. പ്രാദേശിക, ഗൾഫ് മേഖലയിലെ, അന്താരാഷ്ട്ര നിക്ഷേപകരിൽ നിന്ന് മികച്ച പ്രതികരണമാണ് ഐപിഒയ്ക്ക് ലഭിച്ചത്. പ്രതീക്ഷിച്ചതിലും നിരവധി മടങ്ങ് അധികമായിരുന്നു ഓഹരികൾക്കായുള്ള അപേക്ഷകൾ.
നിക്ഷേപകരുടെ ശക്തമായ താൽപര്യം പരിഗണിച്ചും ഓഹരി വിപണിയിലെ തുടർന്നുള്ള സ്ഥിരത ഉറപ്പാക്കിയും സമതുലിതമായ രീതിയിലാണ് അന്തിമ വില നിശ്ചയിച്ചതെന്ന് കമ്പനി വ്യക്തമാക്കി. 2027 സാമ്പത്തിക വർഷത്തിൽ ഏകദേശം 72.5 കോടി ദിർഹത്തിന്റെ വാർഷിക പണലാഭവിഹിതം പ്രതീക്ഷിക്കുന്നതിനാൽ, ലിസ്റ്റ് ചെയ്യുമ്പോൾ DIP ഹോൾഡിങ്ങിന്റെ ഓഹരികൾക്ക് ഏകദേശം 7.5 ശതമാനം ലാഭവിഹിത നേട്ടം ലഭിക്കുമെന്നാണ് കണക്കാക്കുന്നത്. ദുബായ് ഇൻവെസ്റ്റ്മെന്റ്സ് വൈസ് ചെയർമാനും ചീഫ് എക്സിക്യൂട്ടീവ് ഓഫീസറുമായ ഖാലിദ് ജാസിം ബിൻ കൽബാൻ പറഞ്ഞു:
ദീർഘകാല ലക്ഷ്യത്തോടെ മികച്ച ബിസിനസുകൾ വളർത്തിയെടുക്കുന്നതിനും അവയുടെ മൂല്യം യഥാസമയം പ്രയോജനപ്പെടുത്തുന്നതിനുമുള്ള ഗ്രൂപ്പിന്റെ സമീപനത്തിന്റെ തെളിവാണ് DIP ഹോൾഡിങ്ങിന്റെ ഐപിഒ വിജയകരമായി പൂർത്തിയാക്കാനായത്. പ്രാദേശികവും അന്താരാഷ്ട്രവുമായ നിക്ഷേപകരിൽ നിന്നുള്ള മികച്ച പ്രതികരണം സ്ഥാപനത്തിന്റെ ബിസിനസ് നിലവാരത്തിലും നിക്ഷേപ സാധ്യതകളിലുമുള്ള വിശ്വാസമാണ് വ്യക്തമാക്കുന്നത്. ഈ ഓഹരി വിൽപ്പനയിലൂടെ ലഭിക്കുന്ന സാമ്പത്തിക സൗകര്യം ഗ്രൂപ്പിന്റെ നിലവിലുള്ള നിക്ഷേപങ്ങളുടെ വളർച്ചയ്ക്കും പുതിയ നിക്ഷേപ അവസരങ്ങൾ കണ്ടെത്തുന്നതിനും ഉപയോഗിക്കാനാണ് ലക്ഷ്യമിടുന്നത്. ഐപിഒ നടപടികൾ പൂർത്തിയാകുന്നതോടെ DIP ഹോൾഡിങ്ങിൽ ദുബായ് ഇൻവെസ്റ്റ്മെന്റ്സിന് 80 ശതമാനം ഓഹരി പങ്കാളിത്തം തുടരും. ആവശ്യമായ നിയന്ത്രണാനുമതികൾ ലഭിക്കുന്നതിന് വിധേയമായി DIP ഹോൾഡിങ്ങിന്റെ ഓഹരികൾ നവംബർ 11 മുതൽ ദുബായ് ഫിനാൻഷ്യൽ മാർക്കറ്റിൽ വ്യാപാരം ആരംഭിക്കുമെന്നാണ് പ്രതീക്ഷിക്കുന്നത്.

I’ve tried many platforms but this one feels more rewarding. Give vnmk88 a shot if you want a reliable place to play.